Քրդական խմբավորումը ստանձնել է Ստամբուլում պայթյունի պատասխանատվությունը10 հունիսի 2016 - 12:44 AMT PanARMENIAN.Net - Քրդական «Քրդստանի ազատության բազեներ» ծայրահեղական խմբավորումը ստանձնել է Ստամբուլում տեղի ունեցած պայթյունի պատասխանատվությունը: Ինչպես ասվում է խմբավորման կայքում հրապարակված հաղորդագրության մեջ, Թուրքիան այլևս անվտանգ չէ զբոսաշրջիկների համար, սակայն զբոսաշրջիկները չեն կազմակերպության թիրախը: Թուրքական իշխանությունները պայթյունի համար մեղադրում էին Քրդստանի աշխատավորական կուսակցության զինյալներին, հայտնում է ՌԻԱ Նովստին: Հունիսի 7-ին Ստամբուլում ականապատ ավտոմեքենայի պայթյունի հետևանքով 11 մարդ զոհվել է, 36-ը` վիրավորվել: Զոհվածներից 6-ը ոստիկան էր, 5-ը` քաղաքացիական անձ: Միջադեպը տեղի է ունեցել կենտրոնական Վեզնեջիլեր թաղամասում: Ըստ թուրքական ԶԼՄ-ների հաղորդագրության, մահապարտ ահաբեկիչը կին է եղել: Վերջին շրջանում ահաբեկչական գործողությունների քանակը Ստամբուլում կտրուկ աճել է: Վերջին այդպիսի պայթյունը տեղի է ունեցել մայիսի կեսին` Մալթեփե շրջանում: Դրանից առաջ ականապատ մեքենայի պայթյունից 8 մարդ զոհվեց, որից 5-ը զինվորական էր: Ահաբեկչությունների մեծ մասի պատասխանատվությունը ստանձնել է Քրդստանի աշխատավորական կուսակցությունը: Ահաբեկչական գործողությունները քրդերի պատասխանն են Անկարայի հատուկ գործողություններին, որը մեկնարկել է 2015-ի հուլիսին երկրի քրդաբնակ շրջաններում: 2015-ի հուլիսին ՔԱԿ զինյալների հետ զինված հակամարտության վերսկսումից ի վեր զոհվել է մոտ 450 թուրք ոստիկան և զինվորական: Նախագահ էրդողանը հայտարարել է այդ ընթացքում մոտ 5.000 քուրդ զինյալի ոչնչացման մասին, սակայն քրդամետ Ժողովրդների դեմոկրատիայի կուսակցության ներկայացուցիչները պնդում են, որ հարյուրավոր խաղաղ բնակիչներ են զոհվել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |