Հունիսի լույս 16-ի գիշերը տեղացած հորդառատ անձրևի և ուժեղ կարկուտի հետևանքով հեղեղվել են Վրաստանի Բորժոմի հանգստավայրի փողոցներն ու շենքերը: Վնաս է հասցվել նաև գյուղատնտեսությանը, հայտնում է ՌԻԱ Նովոստին:
Տեղի ինքնակառավարման մարմինները հայտնել են, որ «հեղեղատարները չեն դիմացել ջրի մեծ հոսքին, որի հետևանքով հեղեղվել են քաղաքի կենտրոնական փողոցներն ու բնակելի տների առաջին հարկերը, ծառեր են կոտրվել, ավտոմեքենաներ վնասվել»:
Ըստ վրացական հեռուստաընկերությունների, կարկուտը վնաս է հասցրել Բորժոմիին հարակից գյուղերին, նաև գյուղատնտեսությանը:
Գրեթե ամբողջությամբ ոչնչացվել է մրգի բերքը Գորիի շրջանում, մրգատու ծառերի այգիներին մեծ վնաս է հասցվել: Ըստ վրացական հեռուստաալիքների, խոշոր կարկուտից տուժել են նաև խաղողի այգիները: Վրաստանի իշխանությունները սկսել են հաշվել տարերքի հասցրած վնասը:
2015-ի հունիսի 13-ի լույս 14-ի գիշերը տեղացած հորդառատ անձրևները հեղեղեցին Վրաստանի մայրաքաղաք Թբիլիսիի փողոցները։ Ավերված կենդանաբանական այգուց գիշատիչներ էին նփախել` գայլեր, վագրեր, արջեր, իսկ այգու տարածքն ամբողջողովին ավերված էր: Ջրհեղեղի ընթացքում զոհվել էր 20 մարդ, ևս 2-ն անհետ կորած էն համարվում:
