Զեկույց. ՀՀ մեծահասակ բնակչության մոտ 55%-ը ավելորդ քաշ ունի կամ ճարպակալում18 հունիսի 2016 - 12:06 AMT PanARMENIAN.Net - Ըստ 2016թ. Սննդի գլոբալ զեկույցի (Global Nutrition Report ) Հայաստանի մեծահասակ բնակչության շրջանում ճարպակալումից տառապում է 19.5%-ը: Այդ ցուցանիշի հիման վրա աշխարհի 190 երկրի շարքում Հայաստանը 88-րդ տեղում է (ամենացածր ցուցանիշից դեպի բարձրը): Ընդհանուր առմամբ, մեծահասակ բնակչության 55%-ն ավելորդ քաշ ունի կամ ճարպակալում: 2014-ի տվյալնելով, 600 մլն մեծահասակ (18+ տարիքի) տառապում է ճարպակալումից, դա երկրի մեծահասակ բնակչության 13%-ն է: Ավելորդ քաշի ցուցիչը Մարմնի զանգվածի ինդեքսն է ( (քաշ (կգ) / հասակին (մ) քառակուսի): Ավելորդ քաշի շեմը համարվում է 25 կգ/մ քառակուսին, իսկ ճարպակալման դեպքում` 30 կգ/մ : Ավելորդ քաշ ունի մինչև 5 տարեկան հայաստանցի երեխաների 16,8%-ը: Ըստ զեկույցի, նման երեխաների քանակն աճում է: 2014-ի տվյալներով աշխարհում 41 մլն երեխա կամ 6,1%-ը ավելորդ քաշ ունի: Պարենային քաղաքականության միջազգային հետազոտական ինստիտուտի մասնագետները նշում են, որ մինչև 5 տարեկան երեխաների շարքում նկատվում է ցածրահասակների քանակի աճ, ինչը կապված է երեխաների զարգացման թերաճի հետ: Ավելանում է նաև հյուղծվածների քանակը` այդ դեպքում տեղի է ունենում մկանային և ճարպային հյուսվածքների քայքայում: ՀՀ-ում հյուծված է երեխաների 4,2%, ցածրահասակ` 20,8%-ը: Աշխարհում 50 մլն երեխա կամ երեխաների 7,5% տոկոսը հյուծված է, իսկ 159 միլիոնը կամ 23,8%-ը` թերաճ ունի: Ըստ զեկույցի, մեծահասակ հայաստանցիների 11,5%-ը տառապում է շաքարախտով: Աշխարհի 5 մլրդ մեծահասակներից յուրաքանչյուր 12-րդը տառապում է 2-րդ տիպի շաքարախտով: Ըստ ԱՀԿ տվյալների, ընդհանուր առմամբ մոլորակի բնակչության 9%-ը տառապում է այդ հիվանդությամբ: Ըստ զեկույցի, Հայաստանը 72-րդն է (34,6% ցուցանիշով) աշխարհում մինչև 6 ամսականը բացառապես մայրական կաթով սնուցման ցուցանիշով: Աշխարհում միջին ցուցանիշը 39% է: Վերարտադրողական տարիքի հայաստանցի կանանց 25,9% տառապում է սակավարյունությամբ, իսկ աշխարհում 15-29 տարեկան հղի և ոչ հղի 533 մլն կին սակավարյունություն ունի: 2016-ի Սննդի գլոբալ զեկույցը (GNR) ներկայացրել է Սննդի քաղաքականության միջազգային հետազոտական ինստիտուտը (IFPRI), որն ապահովում է աշխարհում սննդի վիճակի անկախ տեսությունը: 2016-ի զեկույցը միավորում է ամբողջ աշխարհից հավաքված տվյալներն ու փորձը: Հղումներ թեմայով. Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է Ամառային զոչակոչը կմեկնարկի ապրիլի 29–ից Կզորակոչվեն նաև մինչև 2024–ի մարտի 1-ը կամավոր հիմունքներով ծառայություն անցնելու դիմում ներկայացրած իգական սեռի անձինք Չիլիում ապրիլի 24-ը հայտարարվել է Հայոց ցեղասպանության զոհերի հիշատակի ազգային օր Պատգամավորների պալատը հավանություն է տվել Քաղաքացիները փակել են Երևան–Գյումրի ճանապարհը․ Փակ են նաև դեպի Սևան և Իրան տանող մայրուղիները Հայաստան-Իրան միջպետական ճանապարհը փակ է Տիգրանաշենի հատվածում |