ՀՀ-ում Լիտվայի դեսպան. ՀՀ-ԵՄ փաստաթղթի շուրջ բանակցություններն առաջընթաց են գրանցել 6 հուլիսի 2016 - 11:36 AMT PanARMENIAN.Net - Հայաստան-Եվրամիություն համագործակցության նոր փաստաթղթի շուրջ բանակցություններն առաջընթաց են գրանցել: Այս մասին ասել է Հայաստանում Լիտվայի արտակարգ և լիազոր դեսպան Էրիկաս Պետրիկասը: 2013-ի սեպտեմբերի 3-ից հետո որոշակի անորոշություն մտավ Հայաստան-ԵՄ հարաբերություններում, երբ ԵՄ Վիլնյուսյան գագաթնաժողովից առաջ ՀՀ նախագահի մակարդակով հայտարարվեց, որ Հայաստանը մտադիր է միանալ Եվրասիական տնտեսական միությանը: Որոշ ժամանակ անց Հայաստան-ԵՄ համագործակցության ձևաչափը վերամեկնարկեց, իսկ 2015-ի դեկտեմբերի 7-ից սկսվեցին Հայաստան-ԵՄ բանակցությունները` նոր իրավական բազայի շուրջ: «Մենք այս պահին լավ բանակցություններ ենք վարում Հայաստանի հետ՝ համագործակցության նոր փաստաթղթի շուրջ: Բավական արագ պրոգրես ենք գրանցում այս քննարկումների ընթացքում: Ինչպես մենք լսել ենք ԵՄ պատվիրակությունից, հատուկ ներկայացուցիչներից, շատ դրական արդյունքներ կան, ուստի սպասում ենք, որ փաստաթուղթը ստորագրվի որքան հնարավոր է շուտ»,- նշել է դեսպանը, գրում է Tert.am-ը: Հարցին, թե ինչ նկատի ուներ Հայաստանում ԵՄ պատվիրակության ղեկավար Պյոտր Սվիտալսկին՝ հայտարարելով, որ բանակցություններում կան որոշակի դժվարություններ, Պետրիկասը պատասխանել է. «Ամեն անգամ, երբ քննարկումներ են ընթանում, որոշ դժվարություններ են լինում բանակցություններում, և դա նորմալ գործընթաց է, Հայաստանի հետ կապված էլ ոչ մի նոր բան չկա»: Նախագահ Սերժ Սարգսյանը հունիսի 7-ին հայտարարել է, որ բանակցությունները Հայաստան-ԵՄ նոր համապարփակ իրավական փաստաթղթի շուրջ ընթանում են հաջողությամբ: Նախագահը հույս է հայտնել, որ «ողջամիտ ժամկետներում փաստաթուղթը ստորագրված կլինի, ինչն է՛լ ավելի կխթանի մեր համագործակցությունը»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |