«Ազգային պատկերասրահ» միջազգային երաժշտական 12-րդ փառատոնը փակել է «Հովեր-Սեպտետ»-ը 8 հուլիսի 2016 - 13:11 AMT PanARMENIAN.Net - Հայաստանի ազգային պատկերասրահի որմնանկարների սրահում 2005-ից իրականացվող և երեք տարի անց՝ ՀՀ մշակույթի նախարարության մշակութային միջոցառումների պետական աջակցության ծրագրում ընդգրկված` «Ազգային պատկերասրահ» միջազգային երաժշտական փառատոնը, սպասված իրադարձություն է բարձրարժեք արվեստը գնահատող հանդիսատեսի համար: «Արվեստների պատկերասրահ» մշակութային հիմնադրամի նախաձեռնությամբ (նախագահ` Մարիամ Շահինյան), ՀՀ մշակույթի նախարարության աջակցությամբ և ՎիվաՍել-ՄՏՍ-ի գլխավոր գործընկերությամբ հունիսի 18-ից հուլիսի 7-ը կայացած փառատոնն իր հագեցած ծրագրով դարձյալ գեղեցիկը վայելելու հրաշալի առիթ դարձավ դասական երաժշտության սիրահարների համար: Փառատոնի հանդիսավոր փակման պատիվը տրվել էր «Հովեր-Սեպտետ» անսամբլին (գեղարվեստական ղեկավար և խմբավար՝ ՀՀ վաստակավոր գործիչ Սոնա Հովհաննիսյան): Խումբը ձևավորվել է 2011-ին՝ «Հովեր» պետական կամերային երգչախմբի մեներգիչներից: Անսամբլի երգացանկում ընդգրկված են Կոմիտասի՝ արական կազմի համար գրված պատարագը, աշխարհիկ խմբերգերը, ժողովրդական մի շարք երգերի մշակումները: Կան նաև արևմտաեվրոպական դասական ու ժամանակակից ստեղծագործություններ: Փառատոնի փակման ծրագրում հնչեցին Կոմիտաս, Սայաթ-Նովա, Ա. Պիարտ, Ք. Պենդերեցկի, Ա. Ավանեսով: «Սերունդներին ոգեղեն սնունդ մատուցելն ամենագրագետ ռազմավարությունն է: Այն ձևավորում է մարդու զգայական ներքնաշխարհը, ստիպում գեղեցիկ մտածել և վեհ նպատակներ ունենալ: Փորձեք երաժշտության միջոցով ունկնդրին ներկայացնել մարդկային բոլոր ապրումները. սերը, հուզմունքը, անգամ՝ զայրույթը... Միևնույնն է՝ ընդամենը յոթ նոտայի միջոցով փոխանցվող ստեղծագործությունը կատարյալ է լինելու: Ուզում եմ հավատալ, որ փառատոնն այս տարի ևս ծառայեց համամարդկայինը գնահատելու՝ իր նպատակին»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, հայտնում է ընկերության մամուլի ծառայությունը: Որպես գլխավոր գործընկերը, Հայաստանում հեռահաղորդակցության առաջատար օպերատոր ՎիվաՍել-ՄՏՍ-ն աջակցության իր առաքելությունը ստանձնել է 2006-ից: Ամենամյա փառատոնի կազմակերպման նպատակով ընկերությունն այդ ընթացքում հատկացրել է 119.5 միլիոն դրամ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |