ԱԳ նախարար. Չպետք է թույլ տանք ՍԾՏՀԿ-ի քաղաքականացումը12 հուլիսի 2016 - 09:51 AMT PanARMENIAN.Net - Հայաստանը կարևորում է համակցված փոխադրումների շրջանակում, այսպես կոչված, չոր նավահանգիստների հայեցակարգի իրականացումը: Հայաստանը, հետևողական լինելով տարածաշրջանում բազմակողմ տնտեսական համագործակցության զարգացմանն ուղղված նպատակների կյանքի կոչման հարցում, շարունակել է իր ջանքերը՝ ուղղված անդամ պետությունների միջև բազմաոլորտ համագործակցության խորացմանը: Այս մասին հայտարարել է ՀՀ արտաքին գործերի նախարար Էդվարդ Նալբանդյանը ՍԾՏՀԿ ԱԳ նախարարների խորհրդի 34-րդ նիստում ունեցած ելույթում: Նա նշել է, որ միջտարածաշրջանային տրանսպորտային համակարգերի համատեքստում Հայաստանը հանդես է գալիս ՍԾՏԿՀ օղակաձև մայրուղու հիմնական երթուղու՝ կազմակերպության ոլորտային երկխոսության գործընկեր հանդիսացող Իրանի հետ սահման դուրսբերման օգտին: «Մենք նաև աջակցում ենք այն նախաձեռնությունները, որոնք ուղղված են համակցված բեռնափոխադրող և ուղևորային լաստանավային գծերի զարգացմանը»,-ասել է նա: Նախարարը հավելել է, որ հայ մասնագետներն իրենց գործնական ներդրումն են ունեցել ՍԾՏՀԿ փոքր և միջին ձեռնարկությունների` միջազգային շուկաներ դուրս գալու ուղիների մշակման, համացանցի միջոցով առևտրի խթանման, առևտրային գործարքների դյուրացման, մաքսային գործընթացների ներդաշնակեցման, համատեղ անցակետերի կատարելագործման, այլ խնդիրների լուծման գործում: «Մենք ողջունում ենք առողջապահության նախարարների կողմից ՍԾՏՀԿ անդամ երկրների միջև «Դեղամիջոցների որակի երաշխիքի ապահովման նպատակով համագործակցության» հուշագրի ստորագրումը: Միաժամանակ, ափսոսանքով պետք է նշել, որ չի հաջողվել կոնսենսուսի հասնել «Սանիտարական պաշտպանության ոլորտում համագործակցության» համաձայնագրի նախագծի շուրջ: Հայկական կողմը կառուցողական մասնակցություն է բերում բնական աղետների կանխման և դրանց հետևանքների վերացման բնագավառում ազգային ծառայությունների միջև համագործակցության, արտակարգ իրավիճակների նախազգուշացման, ճգնաժամային կենտրոնների ցանցի ստեղծման նախաձեռնություններին»,-ասել է Նալբանդյանը: Նախարարը հավելել է նաև, որ Հայաստանը հանդես է գալիս նաև էներգետիկայի բնագավառում համագործակցության իրավական հիմքերի ամրապնդման օգտին: Նա նշել է, որ Հայաստանը հուսով է, որ ազգային վիճակագրական գործակալությունների ղեկավարների հանդիպման արդյունքները նոր լիցք կհաղորդեն համագործակցությանը նաև այս կարևոր ոլորտում: «Հայաստանը հանդես է գալիս միջազգային ասպարեզում ՍԾՏՀԿ դերի բարձրացման, միջազգային, տարածաշրջանային կազմակերպությունների հետ նրա փոխգործակցության սերտացման, ինչպես նաև ասոցացված կազմակերպությունների, դիտորդների և ոլորտային երկխոսության գործընկերների հետ համագործակցության ամրապնդման օգտին: Անշուշտ, այս համագործակցությունը պետք է զարգանա ՍԾՏՀԿ կանոնադրության և կազմակերպության այլ հիմնարար փաստաթղթերի դրույթներին համապատասխան: Մենք չպետք է թույլ տանք ՍԾՏՀԿ-ի քաղաքականացումը, նրա վերածումը քաղաքական հակադրության հարթակի։ Ցավոք, մենք ականատես դարձանք, որ այսօր նորից ադրբեջանական պատվիրակությունն, իր նեղ քարոզչական նպատակներից ելնելով, փորձեց քաղաքականացնել լիագումար նիստի քննարկումները»,-ասել է Նալբանդյանը: «Ինչ վերաբերում է ղարաբաղյան հիմնահարցին, ապա կցանկանայի հիշեցնել, որ Վիեննայի և Սանկտ Պետերբուրգի գագաթաժողովները, առաջին հերթին, նպատակ էին հետապնդում կայունացնել Լեռնային Ղարաբաղի դեմ Ադրբեջանի կողմից ապրիլին իրականացված լայնածավալ ռազմական գործողությունների հետևանքով հակամարտության գոտում ստեղծված իրավիճակը: Բանակցային գործընթացը շարունակելու համար պայմաններ ստեղծելու նպատակով, առաջին հերթին, անհրաժեշտ է իրականացնել այն, ինչի մասին հատուկ շեշտվել է և ինչի շուրջ պայմանավորվածություններ են ձեռք բերվել գագաթաժողովներին՝ հակամարտության բացառապես խաղաղ կարգավորում, հրադադարի վերաբերյալ 1994-1995թթ. եռակողմ անժամկետ համաձայնագրերի անվերապահ իրականացում, միջադեպերի հետաքննության մեխանիզմի ստեղծում, ԵԱՀԿ գործող նախագահի անձնական ներկայացուցչի թիմի ընդլայնում»,-հայտարարել է ԱԳ նախարարը: Նա հավելել է, որ ՍԾՏՀԿ արդյունավետության բարձրացման, ինչպես նաև Մշտական միջազգային քարտուղարության գործունեության հարցերը տևական ժամանակ է, ինչ ներառված են կազմակերպության օրակարգում: «Այսօր այդ հարցը ձեռք է բերում հատուկ նշանակություն` հաշվի առնելով ՍԾՏՀԿ հիմնադրման 25-ամյա հոբելյանը: Միևնույն ժամանակ համոզված ենք, որ ՍԾՏՀԿ ինստիտուցիոնալ ողջ ներուժի կիրառումը կբացառի կազմակերպության կանոնադրական փաստաթղթերում փոփոխությունների իրականացման անհրաժեշտությունը»,-ասել է արտգործնախարարը, հայտնում է ՀՀ ԱԳՆ մամուլի ծառայությունը: Ավելի վաղ ՀՀ նախագահի հետ հեռախոսազրույցում Իրանի նախագահ Ռոուհանին կարևորել էր երկու երկրների միջև համագործակցության զարգացումն ու նշել, որ համատեղ նախագծերի վերաբերյալ հայ-իրանական միջկառավարական հանձնաժողովի որոշումները պետք է կյանքի կոչվեն: «Իսլամական հանրապետությունը և Հայաստանը պետք է բոլոր հնարավորություններն օգտագործեն` ակտիվացնելու համար երկկողմ հարաբերությունները»,-ասել է նա: Իրանի նախագահը նշել է, որ պատժամիջոցների չեղարկումից հետո ուղիներ են նախանշվում տնտեսական համագործակցության ակտիվացման համար, և հավելել է, որ կողմերը «պետք է ջանք չխնայեն Պարսից ծոցն ու Սև ծովն իրար կապելու համար»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |