Պուտին. Ադրբեջանը կարող է զենք գնել որտեղից որ ցանկանա11 օգոստոսի 2016 - 00:00 AMT PanARMENIAN.Net - Ժամանակակից շուկայի պայմաններում ցանկացած երկիր կարող է գնել գրեթե ցանկացած զինատեսակ: Այդ մասին է հայտարարել ՌԴ նախագահ Վլադիմիր Պուտինը ՀՀ նախագահ Սերժ Սարգսյանի հետ հանդիպմանը հետևած ասուլիսի ընթացքում, անդրադառնալով ռուս-ադրբեջանական ռազմական գործարքներին: «Օրինակ` Ադրբեջանի պես երկիրը, մոտ 10 մլն բնակչությամբ, արագ աճող տնտեսությամբ, նավթ արդյունահանող ու բավականին մեծ դրամական պաշարներով երկիր, կարող է գնել զենք որտեղ ասես: Հասկանու՞մ եք, որտեղ ասես: Սակայն ես չեմ ուզում ուշադրություն դարձնել (ղարաբաղյան - խմբ.) հարցի ռազմական կողմին: Եթե մենք ուզում ենք լուծել հարցը, մենք պիտի լուծենք այն խաղաղ մեթոդներով», - ասել է նա, հավելելով, որ Հայաստանը ՌԴ դաշնակիցն է, ու Մոսկվան կատարում է իր պարտականությունները: 2010 թվականից ի վեր Ռուսաստանը Ադրբեջանին է վաճառել 94 միավոր Տ-90 տանկ, 91 միավոր ՀՄՄ-3 զրահափոխադրիչ, 24 միավոր ԲՏՌ-80, 18 միավոր 2Ս19 Մստա-Ս, 18 միավոր «Վենա» ինքնագնաց 120 մմ տրամաչափով ականանետ, 400 միավոր 120 մմ-անոց ականանետ, 18 միավոր «Սմերչ» համազարկային կրակի ռեակտիվ համակարգ, 18 միավոր «Սոլնցեպյոկ» ծանր հրանետային համակարգ, 10 միավոր «Խրիզանտեմա» հակատանկային համակարգ, 24 միավոր Մի-24 գրոհային ուղղաթիռ, ավելի քան 60 միավոր Մի-17 ուղղաթիռ (այդ թվում` ՆԳՆ և ԱԻՆ համար), Տոռ-2ՄԷ ԶՀՀ 2 գումարտակ, 300 միավոր «Իգլա» կրովի ԶՀՀ, տասնյակ միավոր ինժեներային և հատուկ տեխնիկա` տանկային կամրջակապեր, զրահապատ վերանորոգիչ-տարհանման մեքենաներ, ականազերծող մեքենաներ և այլն: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |