Վրաստանում կանխվել է Ռուսաստան-Հայաստան գազամուղի պայթեցումը

22 օգոստոսի 2016 - 11:51 AMT

PanARMENIAN.Net - Վրաստանում 7 անձ է ձերբակալվել, որոնք փորձել են պայթեցնել Ռուսաստան-Հայաստան գազամուղը: Այդ մասին հայտնել է Վրաստանի Պետանվտանգությունը:

«Քննությունը պարզել է, որ ձերբակալվածներն Արագվի գետի մոտ պատրաստվում էին պայթեցնել Ռուսաստան-Հայաստան գաղամուղի վերգետնյա հատվածը»,-ասվում է հայտարարության մեջ:

Ձերբակալվածների թվում է Փոթի քաղաքի պարեկային ոստիկանության աշխատակից Լեվան Մամպորիան: Ձերբակալվածները մեղադրվում են ահաբեկչական կազմակերպության հետ կապեր ունենալու մեջ, հայտնում է «Գրուզիա օնլայնը»:

Ահաբեկչություն նախապատրաստելու մեղադրանքով ձերբակալվել է Վրաստանի 5 քաղաքացի. Բեկա Բ-ն, Վլադիմիր Ռ-ն, Մինդիա Վ-ն, Ջաբա Մ-ն, Նուրի Չ-ն: Պաշտոնեական լիազորությունները չարաշահելու մեղադրանքով ձերբակալվել է պարեկային ոստիկանության գործող աշխատակից Լեվան Մ-ն, և քաղաքացի Իրակլի Բ-ն` հանցագործության մասին չտեղեկացնելու համար:

Իրենց նպատակն իրականացնելու համար, օգոստոսի 20-ին հանցավոր խմբի անդամները մեկնել են Ժինվալի-Շատիլի ավտոճանապարհի մոտակա անտառային մասիվ` թաքստոցից հանելու համար պայթուցիկ նյութերն ու զենքը:

Հղումներ թեմայով.

Apsny.ge: СГБ Грузии пресекла теракт на газопроводе в Армению

FRE/RL. Georgian Authorities Say 'Terrorist Act' Thwarted