Եկրաշարժից ամբողջությամբ փլուզվել է իտալական Ամատրիչեի պատմական կենտրոնը26 օգոստոսի 2016 - 16:04 AMT PanARMENIAN.Net - Իտալիայում օգոստոսի 24-ին տեղի ունեցած հզոր երկրաշարժից վնասվել կամ ավերակների է վերածվել պատմական արժեք ունեցող 293 շենք: Այդ մասին հայտարարել է Իտալիայի մշակույթի նախարար Դարիո Ֆրանչեսկինին: Շատ դեպքերում խոսքը XIII-XIV դարերի եկեղեցիների, պալատների և հուշարձանների մասին է: Տարերքը գրեթե ամբողջապես ոչնչացրել է Ամատրիչե քաղաքի պատմական կենտրոնը: Ժամանակին քաղաքն անվանել են «100 եկեղեցիների քաղաք»: Մասնակիորեն փլուզվել է նաև քաղաքի գլխավոր պատմական արժեքը հանդիսացող Սբ Ֆրանցիսկոսի եկեղեցին: Ավերակների է վերածվել քաղաքի արվարձանում գտնվող 1428թ. Սբ Ագուստինի եկեղեցին, հայտնում է ՌԻԱ Նովոստին: Օգոստոսի 27-ին Իտալիայում ազգային սուգ է հայտարարվել ի հիշատակ կենտրոնական շրջաններում տեղի ունեցած հզոր երկրաշարժի զոհերի, հայտնում է ՏԱՍՍ-ը Իտալիայի նախարարների խորհրդի վրա հղումով: «Օգոստոսի 27-ին տեղի կունենա Ասկոլի Պիչենոյում զոհվածների հուղարկավորությունը բարձրագույն ղեկավարության մասնակցությամբ: Այդ կապակցությամբ նախարարների խորհուրդը օգոստոսի 27-ը սգո օր է հայտարարում»,-ասվում է Կիջի պալատի պաշտոնական հայտարարության մեջ: Զոհերի թիվը հասել է 268-ի, իսկ տուժածներինը՝ 387-ի: Ըստ տեղեկատվության՝ զոհերի և տուժածների մեջ ազգությամբ հայեր և ՀՀ քաղաքացիներ չկան: Օգոստոսի 24-ի առավոտյան Իտալիայի կենտրոնական հատվածում նոր երկրաշարժ է տեղի ունեցել 4,9 մագնիտուդ հզորությամբ: 6.0 մագնիտուդով առաջին ստորերկրյա ցնցումը տեղի է ունեցել տեղական ժամանակով 03:36-ին: էպիկենտրոնը Լացիո շրջանի Ակկումոլի քաղաքի մոտ է եղել` մոտ 4 կմ խորությամբ: 5,4 մագնիտուդով երկրորդ ցնցումը գրանցվել է 04:34-ին Ումբրիա շրջանում:Ցնցումները զգացվել են նաև Հռոմում և Բոլոնիայում: Ըստ հաղորդագրությունների, ավերածություններ կան Լացիոյում, Ումբրիայում և Մարկեում: Photo: EPA-EMILIANO Grilotti Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միրզոյանը պաշտոնական այցով կայցելի Հունգարիա Նա հանդիպումներ կունենա Հունգարիայի բարձրաստիճան պաշտոնյաների հետ Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |