Նալբանդյանը նախագահել է ՄԱԿ Գլխավոր ասամբլեայի նիստը

PanARMENIAN.Net - Սեպտեմբերի 21-ին՝ ՀՀ անկախության 25-րդ տարեդարձի օրը, Նյու Յորքում Միավորված ազգերի կազմակերպության Գլխավոր ասամբելայի նիստը նախագահել է Հայաստանի արտաքին գործերի նախարարի պաշտոնակատար Էդվարդ Նալբանդյանը։

Հայաստանի արտաքին քաղաքական գերատեսչության ղեկավարի նախագահությամբ կայացած նիստին ելույթներով հանդես եկան մի շարք երկրների ղեկավարներ։

Սեպտեմբերի 20-ին ՄԱԿ կենտրոնակայանում կայացավ Գլխավոր ասամբլեայի 71-րդ նստաշրջանի բացման արարարողությունը, որին մասնակցեց ՀՀ պատվիրակությունը՝ արտգործնախարարի պաշտոնակատար Էդվարդ Նալբանդյանի գլխավորությամբ։

Ասամբլեայի 71-րդՆստաշրջանի բացման արարողությանը ելույթներով հանդես են եկել ՄԱԿ գլխավոր քարտուղար Բան Կի-մունը, ԱՄՆ նախագահ Բարաք Օբաման, Բրազիլիայի նախագահ Միշել Տեմերը, Ֆրանսիայի նախագահ Ֆրանսուա Օլանդը, մի շարք այլ երկրների ղեկավարներ։

Նույն օրը Նալբանդյանը մասնակցել է ԱՄՆ նախագահ Օբամայի նախաձեռնությամբ անցկացված Փախստականների հարցերին նվիրված գագաթաժողովին։ Գագաթաժողովի համակազմակերպիչներն էին Հորդանանի, Մեքսիկայի, Գերմանիայի, Եթովպիայի, Շվեդիայի և Կանադայի ղեկավարները ու ՄԱԿ գլխավոր քարտուղարը։

Գագաթաժողովի մասնակիցները քննարկել են փախստականներին օժանդակելու ուղիները, նրանց կարիքների գնահատման ու համատեղ ջանքերով միգրացիոն ճգնաժամի հաղթահարման հնարավորությունները։