ՀՀ Վճռաբեկ դատարանի տվյալներով, մայիսի 12-ին առաջին ատյանի դատարանները 80 բողոք են ստացել, կապված խորհրդարանական ընտրությունների ընթացքի հետ: Բոլոր բողոքները բավարարվել են: Երեւանի Շենգավիթ, Մալաթիա-Սեբաստիա, Արաբկիր, Քանաքեռ-Զեյթուն, Էրեբունի-Նուբարաշեն եւ Կենտրոն-Նորք -Մարաշ համայնքներից բողոքներ չեն ստացվել: 2 դիմում է ստացվել Աջափնյակ-Դավիթաշեն համայնքից եւ 4-ական` Ավանից եւ Նոր Նորքից:

Ըստ մարզերի տվյալները հետեւյալն են` Կոտայք-11, Շիրակ-63 եւ Սյունիք-1 բողոք: Արարատում, Արմավիրում, Արագածոտնում, Լոռիում, Տավուշում, Գեղարքունիքում եւ Վայոց Ձորում բողոքներ չեն գրանցվել: Բոլոր դիմումները բավարարվել են առաջին ատյանի դատարաններում, հաղորդում է ՀՀ Վճռաբեկ մամլո ծառայությունը: