Սրտի անհետաձգելի վիրահատությունները մոտ 500 մարդու կյանք են փրկել Հայաստանում 2014-2015թթ.

29 սեպտեմբերի 2016 - 16:16 AMT

PanARMENIAN.Net - Սրտի անհետաձգելի վիրահատությունների անցկացման ծրագրի իրականացման շնորհիվ 2014-2015թթ. Հայաստանում հաջողվել է 500 մարդու կյանք փրկել: Այդ մասին լրագրողներին է հայտնել առողջապահության նախարարության բժշկական օգնության քաղաքականության վարչության պետ Ծաղիկ Վարդանյանը:

«2016-ին այդ ծրագրից 1317 մարդ է օգտվել, մինչդեռ 2015-ի նույն ժամանակահատվածում թիվը եղել է ընդամենը 737 մարդ»,-ասել է Վարդանյանը:

Ըստ նրա, դա չի նշանակում, որ հիվանդների քանակն է ավելացել, ուղղակի հանրությունն ավելի իրազեկված է դարձել, մարդիկ ավելի շատ են ժամանակին դիմում բուժօգնության:

Ընդհանուր առմամբ, ըստ Վարդանյանի, ամեն տարի 55.000 մարդու մոտ ախտորոշվում են սրտանոթային համակարգի հիվանդություններ: «Սրտանոթային հիվանդությունների խնդիրը շատ ակտուալ է Հայաստանի համար: Մահացության ընդհանուր թվի 36-37% բաժին է ընկնում սրտանոթային հիվանդություններին, հիվանդությունների 40%-ը ևս այդ հիվանդություններին է բաժին ընկնում»,-ասել է նա` հավելելով, որ դեպքերի 80 տոկոսում այդ հիվանդությունները կարելի է կանխել առողջ ապրելակերպ վարելով և ժամանակին հետազոտվելով:

«Սրտանոթային հիվանդությունները կարելի է կանխել` վերացնելով կամ նվազեցնելեվ ռիսկերի գործոնները, ինչպիսիք են ծխելը, ալկոհոլի չարաշահումը, աղի ավելցուկը, հիպոդինամիան, սխալ սնունդը: Պետք է հետևել նաև արյան ճնշմանն ու լիպիդային փոխանակմանը»,-ասել է Վարդանյանը:

Նախագիծը, որի շրջանակում իրականցվում են սրտի անհետաձգելի հիվանդությունները, մշակվել է ՀՀ նախագահ Սերժ Սարգսյանի նախընտրական ծրագրի շրջանակում, որից օգտվում են ՀՀ քաղաքացիները: Բացառության դեպքում օգտվում են նաև այլ պետությունների ՀՀ քաղաքացիները:

ՀՀ կառավարությունը հաստատել է «Սրտի անեհտաձգելի վիրահատության ծրագիրը» 2014-ի ավարտին, որի համաձայն 2015-2017-ին ծրագրի իրականացմանն ամեն տարի կհատկացվի 500 մլն դրամ` ավելի քան 1 մլն դոլար:

Հղումներ թեմայով.

Arka.am: Около 500 человек спасены в Армении в 2014-2015 гг. благодаря проведению неотложных операций на сердце