Հռոմի պապը հուսով է, որ միջազգային հանրությունը կնպաստի ԼՂ հակամարտության կարգավորմանը 2 հոկտեմբերի 2016 - 21:19 AMT PanARMENIAN.Net - Հռոմի պապը հուսով է, որ միջազգային հանրությունը կնպաստի ղարաբաղյան հակամարտության կարգավորմանը: Այդ մասին Հռոմի պապ Ֆրանցիսկոսը, որը հոկտեմբերի 2-ին կարճատև այցով Բաքվում էր, ասել է Ադրբեջանի կառավարության, հասարակական գործիչների և դիվանագիտական կորպուսի ներկայացուցիչների հետ հանդիպմանը, հայտնում է Haqqin.az-ը: «Ես կցանկանայի իմ աջակցությունը հայտնել բազում մարդկանց, որոնք տառապում են արյունալի հակամարտությունների հետևանքներից: Հուսով եմ, որ միջազգային հանրությունն ի զորու կլինի անհրաժեշտ աջակցությունն առաջարկել», -ասել է Հռոմի պապը: Տարածաշրջանում կայուն խաղաղության հասնելու համար Հռոմի պապը հորդորել է բոլորին օգտվել ցանկացած հնարավորությունից՝ հակամարտության լուծում գտնելու համար: «Վստահ եմ, որ Աստծո օգնությամբ և ներքաշված կողմերի բարի կամքի շնորհիվ, Կովկասը կդառնա այն վայրը, որտեղ երկխոսության միջոցով ու բանակցություններով կհանգուցալուծվեն և կկարգավորվեն տարաձայնություններն ու հակամարտությունները»-ասել է նա: Ըստ Հռոմի պապի, աշխարհը, ցավոք, բազում հակամարտությունների ողբերգության ականատեսն է, որոնք բորբոքվում են անհանդուրժողականության պատճառով, որոնց հիմքում բռնատիրական գաղափարախոսություններն են ու ամենաթույլերի իրավունքների փաստացի ոտնահարումը: «Արդյունավետ ձևով հակազդելու համար այս վտանգավոր շեղումներին՝ մենք պետք է նպաստենք խաղաղության մշակույթին, որը ձեռք է բերվոմ երկխոսելու մշտական պատրաստակամությամբ և այն գիտակցումով, որ համբերությանն ու համատեղ լուծումների ջանադիր որոնմանն այլընտրանք չկա», -ասել է Հռոմի պապը: Ավելի վաղ, խոսելով Ադրբեջան կատարելիք իր այցի մասին՝ Ֆրանցիսկոս պապն ասել էր. «Ադրբեջանցիների հետ ես կխոսեմ այն ամենի մասին, ինչ տեսել եմ Հայաստանում, այն, ինչ զգացել եմ: Ես հանդիպել ու խոսել եմ Ադրբեջանի նախագահի հետ: Ադրբեջանցիներին կասեմ նաև, որ մի կտորի հողի համար խաղաղություն չանելը խավարի գործ է նշանակում։ Եվ սա ես բոլորին եմ ասում՝ հայերին, ադրբեջանցիներին: Հնարավոր է, որ նրանք չեն կարողանում համաձայնության գալ խաղաղություն հաստատելու ձևի շուրջ, ու այս ուղղությամբ աշխատել է պետք: Կասեմ այն, ինչ այդ պահին իմ սրտից է բխում, պետք է փորձել ելք գտնել, որը թույլ կտա առաջ շարժվել»: Հունիսի 24-26ը տեղի ունեցավ Հռոմի պապի եռօրյա այցը Հայաստան: Ընթերցեք նաև. Ինչպես կհիշվի Պապի այցը Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Փաշինյանը չի մասնակցի Պուտինի երդմնակալությանը Այդ մասին ասել է Ալեն Սիմոնյանը ՀՀ հավաքականը 7 ոսկի և 2 արծաթ է նվաճել ուշուի ԵԱ-ում Մրցումները տեղի են ունեցել Ստոկհոլմում Միրզոյանն ու Բայրամովն Ալմաթիում կհանդիպեն մայիսի 10–ին Հանդիպումը կկայանա Ղազախստանի հրավերով, որը հարթակ է տրամադրում Խաժակյան․ 2018-ից ի վեր Բագրատ սրբազանի առաջնորդած շարժումը միակն է, որը խնդիր չի դնում «ոչնչացնել հակառակորդին» Նա հավելել է, որ օրակարգը հանուն է, իսկ առարկայական ծրագիրը, հավանաբար, առաջիկայում կհստակեցվի |