ՀՀ գյուղատնտեսության նախարար Իգնատի Առաքելյանը հոկտեմբերի 5-ին երկօրյա աշխատանքային այցով մեկնել է Մոսկվա ՀՀ-ից Ռուսաստան խաղողի հումքով ալկոհոլային խմիչքների արտահանումների հետ կապված բանակցություններ վարելու նպատակով:
Այցի շրջանակում նախատեսված են հանդիպումներ Ռուսաստանի Դաշնության ներմուծող և առևտրային կազմակերպությունների ներկայացուցիչների հետ, տեղեկացնում է ՀՀ գյուղատնտեսության նախարարության տեղեկատվության և հասարակայնության հետ կապերի բաժինը:
2015-ին Հայաստանում ալկոհոլային խմիչքների արտադրության ոլորտում հիմնականում անկում է գրանվել։ Ըստ Ազգային վիճակագրական ծառայության՝ 2015-ին Հայաստանում արտադրվել է մոտ 16.95 մլն լիտր կոնյակ, որը 9.4%-ով պակաս է 2014-ի ցուցանիշից։
Նվազել է նաև գինու արտադրությունը։
Հայաստանում արտադրվող կոնյակի մեծ մասն արտահանվում է, ճնշող մեծամասնությունը՝ Ռուսաստան։