Times. «Ջեբհաթ ան Նուսրան» հարձակումներ է պատրաստում Մեծ Բրիտանիայում և Եվրոպայում

6 հոկտեմբերի 2016 - 11:47 AMT

PanARMENIAN.Net - Ահաբեկչական «Ջեբհաթ Ֆաթահ աշ Շամը», որը նախկինում «Ջեբհաթ ան Նուսրա» էր կոչվում, մտադիր է մի շարք ահաբեկչություններ իրականացնել Մեծ Բրիտանիայում և Եվրոպայում, հայտնում է Times-ը:

Ըստ պարբերականի, «Ջեբհաթ ան Նուսրան» մտադիր է ահաբեկչություններ իրականացնել «Իսլամական պետություն» խմբավորման դիրքերի թուլացման ֆոնին, որը վերջին շրջանում պարտություն է կրում Սիրիայում և Իրաքում, հայտնում է ՌԻԱ Նովոստին:

Ըստ Մեծ Բրիտանիայի պաշտպանության նախարար Մայքլ Ֆելլոնի, «Ջեբհաթ Ֆաթահ աշ Շամը» անմիջական սպառնալիք է Մեծ Բրիտանիայի և ամբողջ Եվրոպայի համար: Ասվում է, որ խմբավորման առաջնորդը հիմա գրոհների պլաններն է մշակում:

«Ջեբհաթ ան Նուսրան» ահաբեկչական կազմակերպություն է, որը ստեղծվել է 2012 թ. հունվարի 23-ին Սիրիայում քաղաքացիական պատերազմի ժամանակ: Այն «Ալ Քայիդայի» սիրիական ստորաբաժանում են կոչում: Սկզբնական շրջանում կազմակերպությունը գործակցել է Սիրիայի Ազատ բանակի հետ, որը դեմ է երկրի գործող կառավարությանը: Ճակատի անդամները սունիներ են: Նրա շարքերում կռվում են սիրիացիներ, ինչպես նաև Սաուդյան Արաբիայի, Իրաքի, Պակիստանի, Լիբանանի, Թուրքմենստանի, Ֆրանսիայի, Մեծ Բրիտանիայի քաղաքացիներ, որոնք միավորված են սալաֆիտների գաղափարախոսությամբ, որը կոչ է անում իսլամական պետություն կառուցել ոչ միայն Սիրիայում, այլև ամբողջ իսլամական աշխարհում: Կազմակերպության առաջնորդները նախատեսում են Սիրիայում պատերազմի ավարտից հետո գրոհել Իսրայելը:

Հղումներ թեմայով.

Ria.ru. Times: "Джебхат ан-Нусра" планирует атаки в Великобритании и Европе

The Times. Resurgent al-Qaeda plots deadly attacks against UK and Europe