Ռումինիայի Պլոեշտի քաղաքում մեկնարկած սամբոյի 2016թ. աշխարհի պատանիների և երիտասարդների առաջնության մրցումային առաջին օրը հայ մարզիկներից Արթուր Մանուկյանը նվաճել է առաջին մեդալը՝ արծաթ:
48 կգ քաշային կարգում հանդես եկող մեր պատանի մարզիկը եզրափակչում հանդիպել է Ռուսաստանի ներկայացուցիչ Եվգենի Երյոմինի հետ. հաղթում էր գոտեմարտի առաջին հատվածում, վերջում կորցրել էր զգոնությունը և արդյունքում պարտվել: Արթուրն արժանացել է աշխարհի առաջնության արծաթե մեդալի, տեղեկացնում է ՀՀ սամբոյի ֆեդերացիան:
2016թ. սամբոյի աշխարհի պատանեկան ու երիտասարդական առաջնությունները 2016-ին անց են կացվում Ռումինիայի Պլոեշտի քաղաքում. մասնակցում են նաև Հայաստանի հավաքականները: Հայաստանի սամբոյի ֆեդերացիան մրցավայր է գործուղել 20 մարզիկ, 2 մարզիչ: Պատվիրակությունը ղեկավարում է ֆեդերացիայի նախագահ Լևոն Հայրապետյանը:
Գոտեմարտերը կկայանում են հոկտեմբերի 7, 8, 9-ին:
Առաջնության առցանց հեռարձակումը հնարավոր է դիտել sambo-fias.org կայքով:
