Vangold Resources Ltd. կանադական ընկերությունը կմասնակցի Հայաստանում գազի ու նավթի հետախուզմանը

30 մայիսի 2007 - 15:51 AMT

PanARMENIAN.Net - Vangold Resources Ltd. կանադական ընկերությունը միացել է պաշարներից համատեղ օգտվելու համաձայնագրին` կնքված Հայաստանի Էներգետիկայի նախարարության եւ Blackstairs Energy ընկերության (Իռլանդիա) միջեւ: Ինչպես հայտնել են Vangold Resources Ltd.-ում, 50 տոկոսանոց մասնաբաժնով մասնակցության դեպքում կանադական ընկերությունը կմասնակցի նավթի եւ գազի հետախուզման աշխատանքներում համար 4, 5 եւ 6 հատվածներում, որոնք ընդգրկում են 13, 775 քառ. կմ. տարածք Հայաստանի կենտրոնում եւ հարավում:

Աղբյուրի համաձայն, նախագիծը նախատեսված է 5 տարով, սակայն ըստ համաձայնագրի կարող է երկարաձգվել երկու հավելյալ ժամանակաշրջանով` յուրաքանչյուրը երկու տարի: Նախագծի ընդհանուր գինը $2,4 մլն. է, այդ թվում կանադական կողմից ներդրումների չափը կկազմի $1,2 մլն: Vangold Resources Ltd.-ի նախագահ Դալ Բրունիլսենի խոսքերով, համաձայնագրով տրամադրված լիազորությունները թույլ են տալիս հետախուզում անցկացնել Իրանին, Ադրբեջանին ու Վրաստանին հարակից Հայաստանի տարածքի գրեթե կեսում. վերջիններս հարուստ են գազի եւ նավթի պաշարներով: «Մենք գտնում ենք, որ նմանատիպ ներուժ գոյություն ունի նաեւ Հայաստանի հարավային հատվածում»,- ասել է Դալ Բրունելսենը, հաղորդում է Regnum-ը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով