  Սիրիայի բանակն ավիահարված է հասցրել Անկարայի սատարած ընդդիմության դիրքերին 26 հոկտեմբերի 2016 - 14:04 AMT PanARMENIAN.Net - Սիրիայի կառավարական ուժերի ուղղաթիռը ավիահարված է հասցրել ընդդիմադիր Սիրիայի ազատ բանակի դիրքերին, Մարի քաղաքի մոտ: Այդ մասին հայտնել է Թուրքիայի ԶՈւ գլխավոր շտաբը: Սա առաջին հարվածն է, որ Սիրիայի կառավարական ուժերը հասցնում են Անկարայի աջակցությունից օգտվող ընդդիմադիր ուժերի դիրքերին Սիրիայի հյուսիսում Թուրքիայի կողմից «Եփրատի վահանը» գործողության մեկնարկից հետո: «Սիրիական ռեժիմի ուղղաթիռը տակառային ռումբեր է նետել սիրիական ընդդիմության դիրքերի վրա Թել Նաիֆ բնակավայրի մոտ: Զոհվել է Սիրիայի ազատ բանակի 5 մարտիկ, ևս 5-ը վիրավորվել է: Դիրքերի մոտ նաև ականապատ մեքենա է պայթել, որը կառավարում էր ԻՊ անդամ մահապարտ ահաբեկիչը` զոհվել է Սիրիայի ազատ բանակի 2 մարտիկ, վիրավորվել է 21-ը, վնասվել է 7 տրանսպորտային միջոց»,-ասվում է Թուրքիայի գլխավոր շտաբի հաղորդագրության մեջ, գրում է ՌԻԱ Նովոստին: Սիրիական սահմանային Ջերաբլուս քաղաքն ԻՊ ահաբեկիչներից մաքրելուն ուղղված գործողության շրջանակներում օգոստոսի 24-ի վաղ առավոտյան կոալիցիոն ուժերի աջակցությամբ Թուրքիայի զինված ուժերի լայնամասշտաբ գործողություններ սկսեցին: Ահաբեկիչնեի դեմ հիմնական ցամաքային գործողություններն իրականացնում են «Սիրիայի ազատ բանակ» կոչվող զինված ընդդիմության մարտիկները՝ Թուրքիայի մի քանի հարյուր հատուկջոկատայինների և հրետանային ստորաբաժանումների մասնակցությամբ: Ջերաբլուսի վերահսկողությունն արդեն իրենց ձեռքը վերցրած սիրիական զինված ընդդիմությունը Թուրքիայի համակողմանի աջակցությամբ շարժվում է դեպի Մանբիջ քաղաք, որը Սիրիայի քրդերը վերջին շրջանում կարողացել էին գրավել ԻՊ զինյալներից:   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր Հայաստանը Տաթևի և Տաթևի մեծ անապատ համալիրները Հաագայի կոնվենցիայով ուժեղացված պաշտպանության տակ առնելու հայտ կներկայացնի  Նախապատրաստական աշխատանքներ են ընթանում«Ազատություն»․ՀՀ–ն, ըստ նախնական համաձայնության, առաջին անգամ օգնություն կստանա ԵՄ Խաղաղության հիմնադրամից Գումարը, ըստ փաստաթղթի, պետք է տրամադրվի մեկ գումարտակի համար նախատեսված դաշտային մոդուլային ճամբար ստեղծելու համարՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործումԽոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ |
