ՄԱԿ ԱԽ-ն դատապարտել է Դամասկոսում ՌԴ դեսպանատան գնդակոծությունը

29 հոկտեմբերի 2016 - 10:53 AMT

PanARMENIAN.Net - ՄԱԿ ԱԽ-ն դատապարտել է Դամասկոսում ՌԴ դեսպանատան գնդակոծությունը և հիշեցրել է Վիեննայի կոնվենցիայով ամրագրված դիվանագիտական առաքելությունների անձեռնմխելիության սկզբունքի մասին: Հայտարարության մեջ նշվում է նման գործողությունների անընդունելիությունը:

«ԱԽ անդամները խստագույնս դատապարտել են Դամասկոսում ՌԴ դեսպանատան ևս մեկ ականակոծումը, որը տեղի է ունեցել հոկտեմբերի 28-ին և զգալի նյութական վնաս է հասցրել»,-ասվում է փաստաթղթում, հայտնում է ՏԱՍՍ-ը:

«Դիվանագիտական և հյուպատոսական օբյեկտների անձեռնմխելիության հիմնարար սկզբունքը», ինչպես նաև 1931թ. Դիվանագիտական հարաբերությունների մասին Վիեննայի կոնվենցիան և 1963թ. Հյուպատոսական հարաբերությունների մասին Վիեննայի կոնվենցիան պահանջում են «բոլոր անհրաժեշտ քայլերը ձեռնարկել պաշտպանելու համար դիվանագիտական և հյուպատոսական օբյեկտները ցանկացած ներխուժումից և վնասից»:

Հոկտեմբերի 28-ին ահաբեկիչները 2 ականային հարված են հասցրել Սիրիայում ՌԴ դեսպանատանը, ականներից մեկը պայթել է առաքելության շենքի մուտքի մոտ: Զոհեր չկան, սակայն դեսպանատանը նյութական վնաս է հասցվել, վնասվել է 4 ավտոմեքենա: Նշանառու կրակը բացել են Ջոբար շրջանից, որը վերահսկում են հակակառավարական ուժերը:

Հղումներ թեմայով.

ТАСС: СБ ООН осудил совершенный 28 октября обстрел посольства РФ в Дамаске

Sputnik. UN Security Council Condemns Attack on Russian Embassy in Damascus