Մոսուլի ազատագրումից հետո քրդերը կվերսկսեն անկախության մասին բանակցությունները Բաղդադի հետ29 հոկտեմբերի 2016 - 11:36 AMT PanARMENIAN.Net - Քրդստանը կվերսկսի անկախության մասին բանակցությունները Բաղդադի կենտրոնական կառավարության հետ Մոսուլի ազատագրումից հետո: Այդ մասին հայտարարել է Քրդստանի տարածաշրջանային կառավարության վարչապետ Նեչիրվան Բարզանին: «Ազատություն ստանալու անհրաժեշտությունը վաղուց արդեն հասունացել է, սակայն հիմա մենք կենտրոնացել ենք ԻՊ դեմ պայքարի վրա»,-ասել է Բարզանին գերմանական Bild-ին տված հարցազրույցում: «Հենց որ Մոսուլն ազատագրվի, մենք կհանդիպենք Բաղդադում մեր գործընկերների հետ` քննարկելու համար մեր անկախության հարցը»,-ասել է նա, գրում է Kurdistan.ru-ն: Քրդստանի վարչապետը պարզաբանել է, որ քրդերը շատ երկար են անկախության սպասել, քանի որ կարծում էին,,որ Սադդամ Հուսեյնի ռեժիմի տապալումը 2003-ին կարող է իրական քաղաքական գործընկերության սկիզբ դնել Իրաքում, որտեղ քրդերն իրենց դերակատարությունը կունենան: «Սակայն այդ Իրաքն անհաջողության մատնվեց»,-ասել է նա: «Մենք արաբ չենք, մենք մեր սեփական ազգությունն ունենք` քրդական…Ինչ-որ մի պահի հանրաքվե կանցկացվի Քրդստանի անկախության մասին և այն ժամանակ մենք հնարավորություն կտանք ժողովրդին լուծել այդ հարցը»,-ասել է քուրդ վարչապետը: Բարզանին կարծում է, որ Մոսուլի ամբողջական ազատագրումը ԻՊ-ից կարող է առնվազն 3 ամիս տևել: Հոկտեմբերի 17-ի վաղ առավոտյան քուրդ աշխարհազորայիններն ու Իրաքի բանակը սկսել են Մոսուլի ազատագրման գործողությունը` քաղաքը կգրոհի 30.000 զինյալ: Քրդերի ռազմականացված «փեշմերգա» ջոկատները հսկողություն են հաստատել իրաքյան Մոսուլի մատույցներում գտնվող 7 բնակավայրում: ԻՊ ահաբեկչական խմբավորումը «խալիֆատ» հռչակեց Սիրիայի ու Իրաքի գրավյալ տարածքներում 2014-ի ամռանը: ԱՄՆ-ն մի շարք դաշնակից երկրների հետ սեպտեմբերի 23-ին ավիահարվածներ սկսեց հասցնել ԻՊ դիրքերին Սիրիայում, իսկ Իրաքում նման գործողություններն արդեն օգոստոսից էին սկսվել: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Միջազգային տեխնոլոգիական հանդիպումեր՝ Fastex-ի մասնակցությամբ TOKEN2049-ը միջազգային կոնֆերանսների շարք է, որն ամեն տարի միավորում է կրիպտո էկոհամակարգի առաջատարներին Լարսը փակ է բոլոր տեսակի մեքենաների համար Փակ է դեպի Քարի լիճ տանող ճանապարհը ՊՆ․ Տեսանյութում պատկերված անձը ՀՀ հատուկ նշանակության ստորաբաժանման զինծառայող է Լուրեր էին տարածվել, որ Կիրանցի բնակիչները «ադրբեջանցի հատուկջոկատայինի են նկատել» Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» |