Էջմիածնի ավագանու անդրանիկ նիստի ընթացքում որոշում է կայացվել Ծովակալ Իսակով փողոցի մեկ հատվածը, որտեղ ապրել է երգիչ Արամ Ասատրյանը, նրա անունով կոչել:

Որոշումն ուժի մեջ կմտնի նոյեմբերի 6-ից, քանի որ հենց այդ օրը լրանում է երգչի մահվան տասը տարին:

«Երևանից Էջմիածին տանող պողոտան Իսակովն է, Կիլիկիա գործարանի դիմաց կա նաև Իսակովի արձանը: Արամ Ասատրյանը Էջմիածնի երգիչ է, լավ է, որ այդ մարդու հիշատակը պահպանում են, որովհետև ինքն ռաբիս ժանրի երգիչ է, բայց լավ երգեր ունի, մարդկանց ուրախացնող երգեր ունի, թո՛ղ հիշեն», - ասել է գրականագետ Դավիթ Գասպարյանը, գրում է Aravot.am-ը:

Արամ Ասատրյանը ծնվել է Էջմիածնում, Արևելյան Հայաստանից տեղափոխված փախստականների ընտանիքում։ Մանուկ հասակից սկսել է զբաղվել երաժշտությամբ, սակայն հայտնի է դարձել 1980-ական թվականների կեսերից։ 1985 թ. Լևոն Աբրահամյանի, Խաչիկ Սահակյանի, Սուրեն Գասպարյանի և Սիմոն Սիսոյանի հետ միասին ստեղծել է սեփական խումբը։ Հայրենասիրական և սիրային երգերով ելույթներ էր ունենում Արցախյան պատերազմի մասնակիցների համար։

Ելույթներով հանդես եր գալիս Ասիայում, Եվրոպայում, Ռուսաստանում, ԱՄՆ-ում և արաբական երկրներում։ Ավելի քան 500 երգերի հեղինակ է։ 2003 թ. ՀՀ Մշակույթի նախարարությունը Արամ Ասատրյանին շնորհել է «Գուսան» պատվավոր տիտղոսով։ 2013 Էջմիածնում բացվել է Արամ Ասատրյանի թանգարանը: