ԻՊ գերության մեջ 400 եզդի և շիա կին կա

ԻՊ գերության մեջ 400 եզդի և շիա կին կա

PanARMENIAN.Net - «Իսլամական պետության» գրոհայիններն իրաքյան Թել Աֆարում մոտ 400 եզդի ու շիա կին են գերեվարել: Շիաները թուրքմենական ցեղերից են: Այդ մասին հայտարարել է Իրաքի խորհրդարանում իրաքցի թուրքմենների ներկայացուցիչ Նահլա Հաբաբին:

Ըստ նրա, գերիներին լուրջ վտանգ է սպառնում, քանի որ կառավարական ուժերը գրոհում են այդ շրջանը, հայտնում է Kurdistan.ru-ն:

«Գրոհը սկսելուց առաջ, հակաահաբեկչական ուժերն ու նրանց հարող շիա կամավորականները «Հաշդ աշ Շահաբիից» պետք է փրկարարական գործողություն իրականացնեն և ազատեն կանանց գերությունից»,-ասել է պատգամավորը:

2014-ին գրավելով Մոսուլը` ԻՊ-ն գրոհեց եզդիաբնակ Սինջար քաղաքը` գերեվարելով ավելի քան 5000 եզդի կականց ու երեխաների: Նրանցից 2590-ին հաջողվեց փրկվել կամ փախչել, սակայն հաղարավորները դեռ ջիհադականների ձեռքում են: Նրանց պարտադրում են սեռական ստրկության, խոշտանգում են և վաճառում:

Իրաքի բանակի հակաահաբեկչական ստորաբաժանումները սկսել են Մոսուլի գրոհը, որը երկու տարուց ավելի է վերահսկում են «Իսլամական պետության» գրոհայինները: Հատուկջոկատայինները քաղաք են մտել արևելյան մասից` Էլ Քարամա թաղամասից:

Հոկտեմբերի 17-ի վաղ առավոտյան քուրդ աշխարհազորայիններն ու Իրաքի բանակը սկսել են Մոսուլի ազատագրման գործողությունը: Քրդերի ռազմականացված «փեշմերգա» ջոկատները հսկողություն են հաստատել իրաքյան Մոսուլի մատույցներում գտնվող 7 բնակավայրում:

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին