Առողջապահության նախկին նախարարը՝ Բժշկական համալսարանի ռեկտորի պաշտոնակատար
Երևանի պետական բժշկական համալսարանում նոյեմբերի 4-ին տեղի է ունեցել խորհրդի նիստ, որի ընթացքում միաձայն ընդունվել է ՀՊԲՀ ռեկտոր Միքայել Նարիմանյանի ` ռեկտորի պաշտոնից ազատվելու մասին դիմումը:
«Այսօրը» գրում է, որ Խորհրդի նիստը ՀՀ առողջապահության նախկին նախարար Արմեն Մուրադյանին միաձայն ընտրել է բուհ-ի ռեկտորի պաշտոնակատար:
Ելույթ է ունեցել ՀՀ սփյուռքի նախարար, ԵՊԲՀ հոգեբարձուների խորհրդի անդամ Հրանուշ Հակոբյանը` շնորհավորելով Արմեն Մուրադյանին և նշելով, որ նա արժանի թեկնածու է:
Սեպտեմբերի 27-ին «Ինգո Արմենիա» ապահովագրական ընկերության գործադիր տնօրեն Լևոն Ալթունյանը նշանակվել է առողջապահության նախարար՝ պաշտոնում փոխարինելով Արմեն Մուրադյանին:
