Փոխնախարար. Իրանից ներքին սպառման համար գազ կգնվի գնի մրցունակ լինելու դեպքում 4 նոյեմբերի 2016 - 17:05 AMT PanARMENIAN.Net - Հայաստանը բանակցում է իրանական գազ գնելու շուրջ: Հաջողության դեպքում հայաստանյան սպառողներն առաջիկայում արդեն կկարողանան օգտագործել իրանական գազը: Այս մասին «Ազատության» հետ զրույցում ասել է էներգետիկ ենթակառուցվածքների և բնական պաշարների փոխնախարար Հայկ Հարությունյանը: Հարությունյանի գլխավորած պատվիրակությունը օրերս Թեհրանում էր, որտեղ նոյեմբերի 1-ին հայաստանյան պետական «Էներգաիմպեքս» ընկերության և Իրանի գազի արտահանման ազգային ընկերության միջև նախաստորագրվել է փոխըմբռնման հուշագիր՝ գազի առք ու վաճառքի և տարանցման վերաբերյալ։ «Առաջին նպատակն իրանական գազի տարանցման հնարավորություն ստեղծելն է Հայաստանի տարածքի միջոցով: Երկրորդը դա իրանական գազի գնելն է նաև ներքին սպառման համար: Ներքին սպառման համար իրանական գազը կօգտագործվի այն ժամանակ, երբ գինը մրցունակ կլինի մեր այլ աղբյուրների հետ», - փոխանցել է Հարությունյանը: Նրա խոսքով՝ չի կարծում, որ երբևիցե եղել է սահմանափակում իրանական գազ գնելու հարցում ներքին շուկայի համար: «Հարցը միշտ եղել է գնային քաղաքականության դաշտում․ եթե իրանական կողմը մեր բանակցությունների արդյունքում կարողանա մեզ առաջարկել ավելի մատչելի գին, մենք այդ գազը կօգտագործենք ներքին շուկայում: Եվ այնպես չէ, որ բանակցություններ չեն եղել, այնպես չէ, որ այդ հարցը բազմաթիվ անգամ չի քննարկվել», - պարզաբանել է Հարությունյանը: Միաժամանակ նա շեշտել է, որ ներկա պահին առանձին գազամուղ կառուցելու ոչ մի տնտեսական հիմնավորում չկա: «Տրանսգազ» ընկերությունը, որը նույնպես պատկանում է «Գազպրոմ»-ին, իր լիցենզիայում նշված կետերի համաձայն, պարտավոր կլինի տեղափոխել այն գազը, որը կգնվի Իրանից և կտարանցվի, օրինակ, Վրաստան: «Ինքը ունի հաստատված սակագներ գազի տարանցման համար, հաստատված կորուստի մակարդակ այդ գործարքը կատարելու համար: Այսինքն ստեղ նոր բան հորինելու կարիք չկա, և դա արդեն իրենց դաշտից դուրս է: Քաղաքականություն վարող մարմինը այստեղ Էներգետիկայի նախարարությունն է և կառավարությունը, և իրենք պարտավոր են անել այն, ինչ իրենց լիցենզիայով վերապահված է», - նկատել է Հարությունյանը: Հուլիսի 26-ին Իրանի նավթի նախարար Բիժան Զանգանեն հայտարարել է, որ Իրանից Հայաստան առաքվող գազի ծավալը 3 անգամ կավելանա: Գործադիրի օգոստոսի 4-ի որոշմամբ կստեղծվի «Էներգաիմպէքս» ՓԲԸ, որը հնարավորություն կընձեռի ավելացնել բնական գազի ներկրումը Իրանի Իսլամական Հանրապետության տարածքից՝ առավել արդյունավետ դարձնելով Իրան-Հայաստան գազամուղի օգտագործումը:Նույն որոշմամբ՝ ընկերության կանոնադրական կապիտալում ներդրում կատարելու նպատակով կառավարության պահուստային ֆոնդից ՀՀ էներգետիկայի և բնական պաշարների նախարարությանը գումար կհատկացվի: Ընկերության կանոնադրական կապիտալի չափը սահմանել 100.000 դրամ, որը բաժանված է 100 հասարակ (սովորական) բաժնետոմսի` յուրաքանչյուրը 1000 դրամ անվանական արժեքով: Ընկերության բոլոր բաժնետոմսերը պատկանում են Հայաստանի Հանրապետությանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |