ՊՆ մամուլի խոսնակ. ՀՀ սպառազինությունը թարմացնելու համար $30 մլրդ է անհրաժեշտ 5 նոյեմբերի 2016 - 16:31 AMT PanARMENIAN.Net - Հայաստանի ամբողջ սպառազինությունը թարմացնելու համար 30 մլրդ դոլար է անհրաժեշտ: Այս մասին «Տեխնո-ուրբաթը Գյումրիում» հանդիպմանը ասել է ՀՀ պաշտպանության նախարարության մամուլի խոսնակ Արծրուն Հովհաննիսյանին: Հանդիպման նպատակը բանակի սպառազինման խնդիրների բարեփոխումների քննարկումն էր: Նախարարության խոսնակը կարևորել է բանակում բարձրորակ կադրերի առկայությունը: «Մենք ավելի շատ ուշադրություն ենք դարձնում, որ մեր սերժանտը, սպան եւ այլ բարձրաստիճան զինվորականը կիրթ լինի, ճիշտ որոշումներ կայացնի, քան ուշադրություն ենք դարձնում, որ Տ-90 տանկ առնենք: Երբ բավարար ռեսուրսներ չկան, մտածում ենք եղածն էֆեկտիվ օգտագործելու մասին: Ապրիլյան պատերազմի ժամանակ, երբ համացանցում հայտնվեց մի տեսանյութ, որտեղ գյումրեցի սերժանտը դիրք էր կառավարում` քննադատվեց: Շատերը ասացին, որ հրաման չի եղել, բայց ուշադրություն չդարձրեցին մի կարեւոր հանգամանքի վրա` տեղի է ունենում գործողություն: Այսինքն, հայկական կողմը իրազեկված է: Մեկ սերժանտ շատ հմուտ կառավարում էր մարտը»,- ասել է Հովհաննիսյանը: Նա հավելել է. «Մեր կենտրոնացվածությունը շարունակելու է մնալ կադրերի կառավարման որակի բարձրացման վրա: Այնուամենայնիվ, բանակում տեղի է ունենում ռազմամթերքի թարմացումներ: Այդ գործընթացները չի սկսվել ապրիլյան պատերազմից հետո: Միշտ է եղել: Վերջին 10 տարիների ընթացքում ձեռք բերված մեր զենք-զինամթերքի ծավալը շատ ավելի մեծ է, քան 200 մլն դոլարը: Ամենահամեստ հաշվարկներով` մեզ անհրաժեշտ է 30 մլրդ դոլար, որպեսզի թարմացնենք Հայաստանի ամբողջ զենք-զինամթերքը: Այդ գումարը, որ ունենանք էլ` չենք կարող զենք-զինամթերք ձեռք բերել, քանի որ ոչ մի տեղ վաճառքում չկա այդ գումարին համարժեք զինամթերք: Տանկը այֆոն չի, որ գնանք, առնենք, բերենք»,- ասել է պաշտպանության նախարարության մամուլի խոսնակը, մեջբերում է Armtimes.com-ը: Հովհաննիսյանը նշել է, որ ադրբեջանական բանակի նորագույն զենքերը իրենց են հասնում պատվերից 4-5 տարի անց: 2015-ին Հայաստանն ու Ռուսաստանը կնքեցին վարկային պայմանագիր, որի համաձայն Մոսկվան պետք է $200 մլն վարկ է տրամադրել՝ սպառազինության ձեռքբերման համար: Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ Ալիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա |