Բաքուն համաձայն է Մոսկվայի եւ Վաշինգթոնի կողմից Գաբալայի ՌՏԿ-ի համատեղ օգտագործմանը

PanARMENIAN.Net - Ադրբեջանի ԱԳՆ ղեկավար Էլմար Մամեդյարովը մեկնաբանել է Ռուսաստանի նախագահ Վ. Պուտինի երեկվա հայտարարությունը Ռուսաստանի եւ ԱՄՆ-ի կողմից Գաբալայի ՌՏԿ-ի համատեղ օգտագործման մասին: «Ռուսաստանը ԱՄՆ-ի հետ ՌՏԿ-ից ստացվող տեղեկատվությամբ կիսվելու նախաձեռնությամբ հանդես եկող կողմն է: Ադրբեջանի դիրքորոշումը կայանում է նրանում, որ մենք պատրաստ ենք խորհրդատվություններ անցկացնել ԱՄՆ-ի եւ Ռուսաստանի հետ երկկողմ կամ եռակողմ ձեւաչափով: Ադրբեջանի դիրքորոշումը պետք է հնչի»,- ընդգծել է նախարարը:



Է. Մամեդյարովը նշել է, որ Գաբալայի ՌՏԿ-ն հանդիսանում է Ադրբեջանի սեփականությունը, եւ «առանց Ադրբեջանի ինչ-որ գործողություններ ձեռնարկելը սխալ կլիներ»: «Այդ դիրքորոշումը ընդունում են եւ ԱՄՆ-ն եւ Ռուսաստանը: Մենք պատրաստ ենք բանակցություններին»,- հայտարարել է նա:



Ադրբեջանի ԱԳՆ ղեկավարը նաեւ նշել է, որ այդ հարցն արդեն լուսաբանվել է նրա ռուս գործընկերոջ կողմից Լավրովի` Բաքու այցի ժամանակ: Իսկ ամերիկյան կողմի հետ բանակցություններ եղել են միայն ռուդիմենտար մակարդակով:



Պատասխանելով հարցին` արդյոք ՌՏԿ-ի համատեղ օգտագործումը չի հանգտեցնի Իրանի հետ հարաբերությունների բարդեցմանը` Մամեդյարովը նշել է, որ սխալ կլիներ կարծել, որ այդ հարցը կարող է բարդացնել հարաբերությունները որեւէ երկրի հետ: «Ադրբեջանի քաղաքականությունը հիմնվում է ազգային շահերի վրա: Այս բանակցությունները եւս հիմնվում են դրանց վրա»,- գտնում է նա:



Մեկնաբանելով այդ քայլի հնարավոր ազդեցության հարցը տարածաշրջանի վրա` Ադրբեջանի նախարարը հայտարարել է, որ «դա կարող է ավելի կայունացնել իրավիճակը եւ տարածաշրջանում գործողությունները կանխատեսելի դարձնել»:



Մամեդյարովը նաեւ նշել է, որ ՌՏԿ-ի համատեղ վարձակալման մասին ռուս-ադրբեջանական համաձայնագրի վերանայման հնարավորությունը եւ կամ էլ դրա մեջ նոր կետերի ընդգրկումը հանդիսանում է առաջիկա բանակցությունների թեման, հաղորդում է Day.az-ը:
 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---