Հայաստանը` բիզնես սկսելու համար ամենանպաստավոր երկրների 10-ում

9 նոյեմբերի 2016 - 12:58 AMT

PanARMENIAN.Net - Համաշխարհային տնտեսական համաժողովը կազմել է երկրների 10-յակը, որտեղ առավել հեշտ է բիզնես սկսել: Հետազոտության հեղինակները որպես աղբյուր օգտագործել են Համաշխարհային բանկի Doing Business-2017-ը և դիտարկել են բյուրոկրատական, ֆինանսական ու օրենսդրական խոչընդոտները, որոնց բախվում են ձեռնարկատերերը, հայտնում է ԱՌԿԱ-ն:

Հայաստանն այդ ցուցակում 9-րդ հորիզոնականում է և միակ երկիրն է «միջինց ցածր եկամուտով», որն ընդգրկվել է առաջին տասնյակում: Հատկանշական է, որ 2015-ին Հայաստանը նմանատաիպ վարկանիշում 5-րդն էր:

2016-ի ցուցակում առաջին 3 տեղերում են Նոր Զելանդիան, «որտեղ կարելի է բիզնես սկսել ժամերի ընթացքում», Կանադան, որտեղ «բիզնես հիմնելու համար ընդամենը 2 գործողություն է պահանջվում» և Հոնկոնգը, որը բարելավել է դիրքը 1 կետով «բիզնեսի գրանցման համար վճարի նվազեցման շնորհիվ»:

4-ը Մակեդոնիան է, 5-ը` Ադրբեջանը, 6-ը` Սինգապուրը, 7-ը` Ավստրալիան, 8-ը` Վրաստանը: Վերջին` 10-րդ տեղում Իռլանդիան է, որը ԵՄ միակ երկիրն է այդ ցանկում:

Doing Business 2017 զեկույցում Հայաստանը բարելավել է իր դիրքը 5 կետով` զբաղեցնելով 38-րդ տեղը 190-ի շարքում:

Doing Business 2017-ի զեկույցում Հայաստանը 1.47 կետով բարելավել է նաև «հեռավորությունը սահմաններից» ցուցանիշը` հասցնելով այն 72.16%-ի` նախորդ 73.63%-ի փոխարեն:

Նշվում է, որ Հայաստանը բարելավել է դիրքերը 2 ոլորտում` վարկի ստացում և պայմանագրերի կիրառում: Մասնավորապես, վարկերն ավելի մատչելի են դարձել, շնորհիվ գործարքների ապահովման մասին նոր օրենքի:

Հղումներ թեմայով.

Arka.am. ВЭФ включил Армению в десятку стран, где легче всего начинать бизнес