Դավիթ Բաբայան. Կան հանգամանքներ, որ ստիպում են Ադրբեջանին հրադադարն ավելի շատ խախտել11 նոյեմբերի 2016 - 16:10 AMT PanARMENIAN.Net - Ադրբեջանի կողմից առաջնագծի հյուսիսարևելյան (Թալիշ և Յարըմջա) ուղղությամբ տեղակայված պաշտպանության բանակի մարտական դիրքերի արկակոծության հետևանքով բարեբախտաբար ոչ զոհեր կան, ոչ վիրավորներ: Այդ մասին հայտարարել է ԼՂՀ նախագահի մամուլի խոսնակ Դավիթ Բաբայանը, հայտնում է Panorama.am-ը: «Արտառոց իրավիճակ չէ, սա մեր առօրյան է` տեղի է ունենում այն, ինչ միշտ տեղի է ունենում: Ունենք հակառակորդ, որ ամեն օր խախտում է հրադադարի ռեժիմը՝ մի օր ավելի շատ, մի օր՝ ավելի քիչ: Կրակում են, բայց կրկնում եմ, դա առօրյա է»,-ասել է Բաբայանը:ԼՂՀ նախագահի խոսնակը նշել է, որ տարօրինակ կլիներ, եթե չլինեին հրադադարի խախտումները, քանի որ «գործ ունենք ահաբեկչական, ֆաշիստական պետության հետ»: «Մեր քաջ տղաները կանգնած են այնտեղ, նրանց համար դա առօրյա է: Հակառակորդը փորձում է թիկունքում՝ ապատեղակտվության հիման վրա ստեղծել անառողջ իրավիճակ, ահաբեկել ժողովրդին: Հիմա այնտեղ կանգնած մեր տղաները մի՞թե արժանի են, որպեսզի մեր թիկունքում նման երևույթներ լինեն ու թուլացնեն մեր մարտունակությունը»,-նկատել է Բաբայանն` անդրադառնալով ադրբեջանցի օգտատերերի կողմից՝ առաջնագծում «հայերի խուճապահար փախչելու» մասին սոցցանցերում տարածած գրառումներին: Բաբայանը նշել է, որ կան մի քանի հանգամանքներ, որոնք ստիպում են Ադրբեջանին հրադադարի ռեժիմն ավելի շատ խախտել: Ալիևը ցանկանում է ցույց տալ, որ ադրբեջանական բանակը բարոյալքված չէ, ինչպես նաև որ ինքը պատրաստ է պետք եղած ժամանակ բանակն օգտագործել իշխանության պահպանման համար: «Ադրբեջանի ներքին իրավիճակը յուրահատուկ է, այնտեղ սոցիալական, տնտեսական ու քաղաքական լուրջ խնդիրներ կան: Այս զորավարժությունների միջոցով Ալիևը՝ խանը, ցույց է տալիս իր հակառակորդներին, որ ունի բանակ և եթե պետք լինի այն կօգտագործի սեփական ժողովրդի, ազգային փոքրամասնությունների դեմ: Նման ծավալի զորավարժությունների անցկացմամբ ու ցուցադրմամբ, Ալիևը ցանկանում է բարձրացնել իրենց արժանապատվությունը, որ ոտնահարավել էր քառօրյա պատերազմում նրանց ունեցած կորուստներով, իսկ վերջակետը դրվել էր Երևանում անցկացված զորավարժություններով»,-ասել է ԼՂՀ նախագահի խոսնակը: Նոյեմբերի 11-ի ժամը 12:15-ից սկսած, հակառակորդը 60 և 82 միլիմետրանոց ականանետերից արկակոծում է առաջնագծի հյուսիսարևելյան (Թալիշ և Յարըմջա) ուղղությամբ տեղակայված պաշտպանության բանակի մարտական դիրքերը: Հատկապես ինտենսիվ արկակոծության են ենթարկվում Յարըմջա գյուղի ուղղությամբ տեղակայված մարտական հենակետերը: Հակառակորդի նախահարձակ ակտիվությունը ճնշելու համար ՊԲ առաջապահ զորամասերը ձեռնարկում են պատասխան գործողություններ: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում Զբոսաշրջության կոմիտեի նախագահն ազատվել է պաշտոնից Պօղոսեանը նշանակվել էր պաշտոնում 2022–ի հունվարին Բագրատ սրբազանը՝ առաջնորդությունը քաղուժերին փոխանցելու մասին․ Թող գան, վերցնեն, ով ցանկանում է «Ես բոլորի հետ խոսում եմ»,–ասել է նա |