«Եթե Հայաստանը չի ուզում իրագործել Ադրբեջանի բռնագրավված տարածքների վերաբերյալ ՄԱԿ-ի բանաձեւերը, պետք է ստիպել նրան անել դա»: Այդ մասին, ինչպես հաղորդում է «Մեդիամաքս» գործակալությունը` վկայակոչելով Բաքվի ԶԼՄ-ները, Ադրբեջանի խորհրդարանի ղեկավարի հետ հանդիպման ժամանակ հայտարարել է Ուկրաինայի ԱԳՆ պետական քարտուղար Յուրի Սերգեեւը: Տվյալ հայտարարությունն ուկրաինական դիվանագետի կողմից արվել է ի պատասխան Ադրբեջանի Միլլի մեջլիսի խոսնակ Մուրթուզ Ալեսքերովի խոսքերի` «Հայաստանն ուժային մեթոդներով բռնագրավել է Ադրբեջանի տարածքները եւ ուշադրություն չի դարձնում միջազգային փաստաթղթերին»: