ՊՊԾ գնդի գրավման օրը ՀՀ-ում Facebook-ի կարճատև սահմանափակումը՝ Freedom House-ի զեկույցում15 նոյեմբերի 2016 - 19:11 AMT PanARMENIAN.Net - Freedom House իրավապաշտպան կազմակերպությունը նոյեմբերի 14-ին հրապարակել է աշխարհում համացանցի ազատությանը վերաբերվող Freedom on the Net տարեկան զեկույցը: ՀՀ-ն համարվում է ազատ համացանցով երկիր ու ստացել է 30 բալ 2015-ի 28 բալի համեմատ (զեկույցի մեթոդաբանության համաձայն, 0-ն լավագույն ցուցանիշն է, 100-ը՝ վատագույնը): Նշվում է, որ ՀՀ-ում, որպես կանոն, մուտքը համացանց չի սահմանափակվում: Սակայն միաժամանակ հիշատակվում է հուլիսի 17-ին՝ Էրեբունու ՊՊԾ գնդի գրավման օրը, Facebook սոցիալական ցանցի աշխատանքը մոտ 40 րոպեով սահմանափակելու մասին: Զեկույցում նաև նշվում է համացանցում տեղադրված տեղեկության համար հետապնդումների մի քանի դեպքի մասին, սակայն ընդգծվում է, որ առցանց-ակտիվության համար բանտարկման կամ քրեական հետապնդման որևէ դեպք տարվա ընթացքում չի գրանցվել: Որպես երկրում իրավիճակի վրա ազդող հիմնական իրադարձություններ Freedom House-ն առանձնացրել է սահմանադրական հանրաքվեն, ապրիլյան պատերազմն ու ՊՊԾ գնդի գրավումը և ուղեկցող զարգացումները: «Թեև հայերը, որպես կանոն, ազատորեն հայտնում են իրենց կարծիքը համաձանցում առանց պատժի սպառնալիքի, նշված իրադարձությունների ժամանակ գրաքննության որոշ դեպքեր, այնուամենայնիվ, եղել են: Սակայն համացանցը ՀՀ-ում շարունակում է մնալ հիմնականում ազատ, ենթակառուցվածքներն էլ զարգանում են՝ կապելով բնակչության մեծ մասը: Ակտիվիստներն անընդհատ օգտագործում են սոցցանցերը սեփական տեսակետերի տարածման համար, իսկ ընդդիմադիր ու անկախ ԶԼՄ-ներն առցանց տիրույթում ծաղկում են», - նշվում է զեկույցում: 65 երկրների ցանկում ամենաազատ համացանց ունեցող երկրներն են Էստոնիան ու Իսլանդիան (6-ական միավոր): Նշվում է, որ ՀՀ-ում համացանցով է օգտվում մոտ 1.8 մլն մարդ: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |