ԱՄՆ-ի հայ համայնքին մտահոգող խնդիրները ներկայացվել են Կոնգրեսի ներկայացուցիչների պալատի խոսնակին17 նոյեմբերի 2016 - 15:06 AMT PanARMENIAN.Net - ԱՄՆ Հայ դատի հանձնախմբի խորհրդի նախագահ Րաֆֆի Համբարյանը հանդիպել է Կոնգրեսի ներկայացուցիչների պալատի խոսնակ Փոլ Ռայանի հետ, որը միաձայն վերընտրվել է իր պաշտոնում: Հանձնախմբի տարածած հաղորդագրության մեջ նշվում է, որ այդ հանդիպման ընթացքում քննարկվել են ԱՄՆ-ի հայ համայնքին մտահոգող արտաքին քաղաքական առաջնահերթությունները: Համբարյանն ընգծել է իր ներկայացրած կազմակերպության պատրաստակամությունը՝ սատարել ներկայացուցիչների պալատի խոսնակի և նրա նորընտիր թիմի, ինչպես նաև՝ դեմոկրատների առաջնորդների ջանքերին՝ համատեղորեն առաջ մղել ԱՄՆ-ի հայազգի ընտրողներին մտահոգող խնդիրները, Կոնգրեսի 2017 թ․ հունվարին կայանալիք 115-րդ նիստին քննարկելու համար: «Ես ուրախ եմ նորընտիր խոսնակի հետ հայացքներ փոխանակելու հնարավորության համար: Նա ամուր կապեր ունի Վիսկոնսինում, որտեղ բավական կենսունակ հայ համայնք կա»,- ասել է Համբարյանը՝ շարունակելով․ «Մեր կազմակերպությունը մեծապես շահագրգիռ է աշխատել խոսնակ Ռայանի և Պալատի մեծամասնության առաջնորդ Մքքարթիի հետ՝ նպատակ ունենալով առաջիկա վարչակազմին հաղորդակից դարձնել ամերիկահայերին մտահոգող խնդիրներին»: Ըստ Համբարյանի, այդ խնդիրներից են «Թուրքիայի՝ Հայոց ցեղասպանությունը մերժող կեցվածքի հանդեպ ԱՄՆ-ի հանդուրժողական վերաբերմունքը, անկախ Արցախի Հանրապետության անվտանգությունն ու ինքնորոշումը, ինչպես նաև՝ ԱՄՆ-ի և Հայաստանի միջև տնտեսական, քաղաքական ռազմական հարաբերությունների զարգացումը»: ԱՄՆ նախագահի ընտրություններում հաղթել է հանրապետական Դոնալդ Թրամփը: Դա պարզ է դարձել Վիսկոնսին նահանգում ձայների հաշվարկից հետո: Հաշվի առնելով նրա հաղթանակն այդ նահանգում, Թրամփը հավաքել է հաղթանակի համար անհրաժեշտ ավելի քան 270 քվե: Ընտրիչների ձևական բնույթ կրող քվեարկության ընթացակարգը տեղի կունենա դեկտեմբերի 19-ին, իսկ 2017-ի հունվարի 6-ին Կոնգրեսը կհաստատի արդյունքները: Երդմնակալության արարողությունը տեղի կունենա 2017-ի հունվարի 20-ին: Կարդացեք նաև՝Սասունյան. Ոչ ոք չգիտի՝ ինչպիսին կլինի հայկական հարցերի հետ կապված Թրամփի դիրքորոշումը Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |