Զեկույց. ՀՀ-ից Իրաք արտահանված ալկոհոլը քրդերը մաքսանենգ ճանապարհով Իրան են տանում21 նոյեմբերի 2016 - 14:47 AMT PanARMENIAN.Net - Իրաքցի քրդերը, ռիսկի ենթարկելով սեփական կյանքը, մաքսանենգ ճանապարհով Իրան են տեղափոխում Հայաստանից արտահանված ալկոհոլը, գրում է Fox News-ը: Ըստ պարբերականի, ամեն ամիս մոտ 15 մարդ է մահանում մաքսանենգ ապրանքներ փոխադրելիս: Հարյուրավոր մարդիկ ամեն ամիս ոտքով կամ ձիերով քուրդ առաքողներից վերցնում են բեռնատարներով Իրան հասցված «արգելված» ապրանքը: Մաքսանենգ ալկոհոլի մեծ մասը մեծածախ գներով ձեռք է բերվում Հայաստանում: Իրաքցի քրդերի շրջանում հատկապես սիրված են Absolut օղին, Johnnie Walker վիսկին և կեղծված Grey Goose օղին` հենց այդ խմիչքներն են ամենից հաճախ գնում քրդերը: Քրդերի կողմից վերահսկվող տարածքով Իրան փոխադրելիս ալկոհոլային ապրանքների արժեքն աճում է 3 անգամ: Մաքսանենգները, որոնք հիմնականում երկու կողմերի աղքատ գյուղացիներ են, սովորաբար վաստակում են մոտ $60 դոլար մեկ ուղևորության համար, որը մոտ 6 ժամ է տևում բեռնումից մինչև առաքում: Առաքողները շատ ավելի մեծ գումարներ են վաստակում, քանի որ ավելի բարդ գործ են կատարում` շրջանցելով Իրանի խիստ օրենքները ալկոհոլի ոլորտում: Իրանում անշեղորեն աճում է ալկոհոլի պահանջարկը, քանի որ այն օրենքից դուրս է համարվում 1979-ի հեղափոխությունից հետո: Սպիրտային խմիչքների սպառումն Իրանում «Աստծո դեմ հանցագործություն է համարվում» և պատժվում է մտրակի հարվածներով: Ըստ ՀՀ վիճակագրական ծառայության, 2016-ի առաջին 6 ամսում ՀՀ-ից Իրաք է արտահանվել 665.000 լ կամ 1.330.000 շիշ ալկոհոլ, հիմնականում քրդական տարածք, ինչը 2 անգամ գերազանցում է արտահանման ծավալը 2015-ի նույն ժամանակահատվածի համեմատ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |