Ղարաբաղի հարցը հնարավոր չէ լուծել միայն ՎՈՒԱՄ-ի շրջանակներում, առանց Ռուսաստանի եւ Հայաստանի մասնակցության, գտնում է Ռուսաստանի Դաշնության Խորհրդի միջազգային գործերի կոմիտեի նախագահ Միխաիլ Մարգելովը: «Հնարավոր չէ լուծել ղարաբաղյան խնդիրն առանց երկխոսության Հայաստանի եւ Ռուսաստանի հետ, ինչպես չի կարելի լուծել Մերձդնեստրի կամ Հարավային Օսեթիայի հարցը առանց չճանաչված հանրապետությունների ներկայացուցիչների եւ միջնորդների ի դեմս Ռուսաստանի եւ ՄԱԿ-ի»,-ասել է նա:

Ըստ Մ.Մարգելովի, ՎՈՒԱՄ-ի շրջանակներում ղարաբաղյան հարցը հնարավոր չէ լուծել եւ «եթե նման փորձեր լինեն, իրավիճակը կրկին կարող է շիկանալ եւ վերաճել բացահայտ դիմակայության», հաղորդում է «Թրենդը»: