 Հագուստի հայկական 5900BC բրենդն իր նոր հավաքածուն է ցուցադրել Վիեննայում 23 նոյեմբերի 2016 - 15:19 AMT PanARMENIAN.Net - Նոյեմբերի 22-ին Վիեննայի ՄԱԿ-ի արդյունաբերական զարգացման կազմակերպության (ՄԱԱԶԿ) գլխամասային գրասենյակում անցկացվել է «Ստեղծագործական շոու. Հին ավանդույթների նոր պատմություններ» խորագրով միջոցառումը: Ցուցադրվել է 8 հայկական կազմակերպությունների համատեղ ուժերով ստեղծած թվով 4-րդ՝ 5900BC գարուն-ամառ 2017 հագուստի հավաքածուն: Հավաքածուն կատարված է հիմնականում հանգիստ, ծիրանագույն, ավազագույն, մանուշակագույն, սպիտակ և արծաթագույն երանգներով: Ցուցադրվել են զգեստներ և բլուզներ, տաբատներ և կիսաշրջազգեստներ, պիջակներ և աքսեսուարներ, գրում է ՌԻԱ Նովոստին: Ներկայացվել է ՄԱԱԶԿ «Հայաստանի արտահանման ուղղվածություն ունեցող ճյուղերի մրցունակության բարձրացում արդիականացման և շուկան մատչելի դարձնելու միջոցով» ծրագրի տեխնիկական աջակցությամբ ստեղծված հագուստի հավաքածուն: Ինչպես ասել է ՀՀ ԱԳ փոխնախարար Ռոբերտ Հարությունյանը, «գաղափարը միավորեց մեկ բրենդի ներքո թեթև արդյունաբերության մի քանի ընկերությունների, և հետաքրքիր էր հետևել, թե ինչպես են այդ ընկերություններն աշխատում իրար հետ, ինչպես են աճում ու օգնում իրար զարգանալ»: Ըստ նրա, բրենդի ներքո միավորվել են ընկերություններ, որոնք գործում են դեռ խորհրդային տարիներից, և նոր արտադրողներ, որոնց աշխատանքի հիմքում այդ ոլորտում եղած հայկական ավանդույթներն են: Ծրագրի շրջանակում ստեղծվել է դիզայներական կենտրոն, որտեղ դասավանդւոմ են իտալացի մասնագետները: «Հայաստանի տարածքում պեղումներից մեկի ժամանակ հայտնաբերվեց կիսաշրջազգեստ, որը թվագրվում է մ.թ.ա 5900 թվականով: Այդ պատճառով էր բրենդը կոչվեց 5900BC»,-նշել է Հարությունյանը: Վիեննայի միջազգային կազմակերպություններում ՌԴ մշտական ներկայացուցիչ Վլադիմիր Վորոնկովը նշել է, որ «UNIDO տեխնոլոգիայի կիրառմամբ հաջողվել է դուրս գալ պատրաստի ապրանքի վրա, որը վաճառվում է բազմաթիվ առևտրային ցանցերում»: Ըստ նրա, հայկական արդյունաբերության այդ բնագավառը ոչ միայն լիովին վերականգնվել է, այլ արդեն աշխատում է լավագույն համաշխարհային օրինակներով»: «Սա UNIDO-ի, ինչպես նաև Ռուսաստանի և Հայաստանի հաջողությունն է»,-ասել է նա: Միջոցառմանը ելույթով հանդես են եկել հայաստանյան պատվիրակությունից Ավստրիայում ՀՀ դեսպան Արման Կիրակոսյանը և ՀՀ արտաքին գործերի փոխնակարար Ռոբերտ Հարությունյանը, ինչպես նաև ծրագրի դոնոր հանդիսացող Ռուսաստանի Դաշնության կողմից Վիեննայում ՌԴ դեսպան Ն.Գ. Վլադիմիր Վորոնկովը: Հղումներ թեմայով.   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Բաժիններ թեմայով Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
