Ադանայում պայթյունից վիրավորվածների թիվը հասել է 31-ի

24 նոյեմբերի 2016 - 13:52 AMT

PanARMENIAN.Net - Թուրքիայի հարավային Ադանա նահանգում ականապատ մեքենայի պայթյունի հետևանքով վիրավորների թիվը հասել է 31-ի, հայտնում է ՌԻԱ Նովոստին DHA վրա հղումով:

Ականապատ մեքենան պայթել է Ադանայի վարչական շենքի մոտ Երևանի ժամանակով 09:05-ին: Նահանգապետ Մահմուդ Դեմիրթաշը հայտարարել էր 2 զոհի և 165 վիրավորի մասին: Զոհերը վարչակազմի աշխատակիցներն են:

Ահաբեկչությունը կատարելու մեջ կին է կասկածվում, որը կայանել է ավտոմեքենան վարչական շենքի մոտի բաց ավտոկայանատեղիում: Պայթյունը տեղի է ունեցել ավտոկայանատեղիից նրա հեռանալուց 15 րոպե անց: Պահակները ձերբակալվել են:

Վերջին շրջանում պայթյունները հաճախակի են դարձել Թուրքիայի հարավարևելյան շրջաններում, որի հետևանքով լինում են զոհեր և վիրավորներ, իշխանությունները հիմնականում մեղադրում են Քրդստանի աշխատավորական կուսակցության զինյալներին:

Թուրքիայի հարավարևելյան Մարդին գավառի Դերիկ քաղաքում նոյեմբերի 10-ին պայթյուն է որոտացել` տեղի վարչական շենքի մոտ: Նույն օրը Վանում Քրդստանի աշխատավորական կուսակցության (ՔԱԿ) զինյալները, որի գործունեությունն արգելված է Թուրքիայում, միկրոավտոբուս են գնդակոծել: Արդյունքում 4 մարդ է զոհվել, ևս 2-ը վիրավորվել է: Վիրավորները տեղափոխվել են հիվանդանոց:

Հղումներ թեմայով.

Ria.ru: Число раненных при теракте в турецкой Адане увеличилось до 31