Խոշտանգումների հետաքննության գծով ՄԱԿ հատուկ ներկայացուցիչ Նիլս Մելցերը նոյեմբերի 27-ից դեկտեմբերի 2-ը կլինի Թուրքիայում երկրի կառավարության հրավերով:
«Ես անհամբեր սպասում եմ Թուրքիայի կառավարության հետ համագործակցության մեկնարկին այն հարցերի առնչությամբ, թե ինչպես պահպանել իրավակարգը, ապահովել հաշվետվողականությունն ու իրացնել տուժածների վնասի հատուցման իրավունքը, մասնավորապես, ընթացիկ տարվա հուլիսին հեղաշրջման փորձից հետո»,-ասել է Մելցերը, հայտնում է Lenta.ru-ն Reuters-ի վրա հղումով:
Պաշտոնյան մտադիր է այցելել ոստիկանության բաժանմունքներ, բանտեր ու քննչական մեկուսարաններ:
Մելցերը Խոշտանգումների հետաքննության գծով ՄԱԿ հատուկ ներկայացուցչի պաշտոնում կփոխարինի Խուան Մենդեսին: Նա Թուրքիա պետք է այցելեր դեռ հոկտեմբերին, սակայն երկրի իշխանությունները չեղարկեցին այն:
Կալանավորների իրավունքների պահպանման դիտարկում վերջին անգամ Թուրքիայում իրականացվել է 1998-ին:
2016-ի սեպտեմբերին հայտնի դարձավ, որ թուրքական բանտերից ազատ է արձակվել ավելի քան 33,8 հազար կալանավոր: Պատճառն այն էր, որ կալանավայրերը ծանրաբեռնված էին երկրում անցկացվող զանգվածային ձերբակալությունների ու կալանքների պատճառով:
