Հայաստանի ցուցանիշն Ահաբեկչության գլոբալ վարկանիշում վատթարացել է25 նոյեմբերի 2016 - 17:47 AMT PanARMENIAN.Net - 76 երկիր բարելավել է իր ցուցանիշները 2016-ի Ահաբեկչության գլոբալ վարկանիշում (The Global Terrorism Index), իսկ 53 երկիր, այդ թվում Հայաստանը, ավելի վատ ցուցանիշ է արձանագրել: The Global Terrorism Index-ը համալիր հետազոտություն է ահաբեկչության ակտիվության վերաբերյալ աշխարհի 163 երկրում: Սա 4-րդ նմանատիպ վարկանիշն է: Հետազոտություններն ընդգրկում են 2000-2015թթ.: Ըստ վարկանիշի գնահատվում է ահաբեկչական ակտիվության մակարդակը այս կամ այն երկրի ներսում 4 հիմնական ցուցիչով` ահաբեկչական միջադեպերի քանակը, զոհերի քանակը, տուժածների քանակը, նյութական վնասի քանակը: 2016-ի վարկանիշում Հայաստանն ունի 0.288 միավոր (լավագույնն է համարվում 0, վատագույն ցուցանիշը 10-ն է) և հայտնվել է 108-րդ տեղում` 8 կետով նահանջելով 2015-ի վարկանիշում իր դիրքից, երբ ընդամենը 0.115 միավոր ուներ: Վրաստանը 87-րդն է, Ադրբեջանը` 106, Իրանը` 47, Թուրքիան` 14, ՌԴ-ն`30, ԱՄՆ-ն` 36` ավելի վատ ցուցանիշներ ունենալով, քան ՀՀ-ն: Իսկ Հայաստանից ավելի բարվոք վիճակում են Հյուսիսային Կորեան, Սլովակիան, Լիտվան և Շվեյցարիան: Ահաբեկչության ամենաբարձր ազդեցության ցուցանիշ ունեն Իրաքը, Աֆղանստանը, Նիգերիան, Պակիստանն ու Սիրիան` այս երկրներին է բաժին ընկնում 2016-ի ահաբեկչության բոլոր դեպքերի 72 տոկոսը: Ըստ զեկույցի, նյութական վնասն ահաբեկչությունից 2015-ին հասել է $89.6 մլրդ-ի, 15 տոկոսով նվազելով 2014-ի համեմատ: 2015-ին Հայաստանը գլխավորել է կայունության մակարդակով միջինից բարձր` ռիսկերի ցածր մակարդակով պետությունների ցուցակը` «Աշխարհի պետությունների թուլությունները 2015» վարկանիշի 178 երկրի շարքում զբաղեցնելով 108–րդ տեղը:Ինդեքսի վերլուծությունն անցկացվում է պետության, այսպես կոչված, «թուլության» 12 չափանիշի հիման վրա, որոնք միավորված են երեք խմբում` սոցիալական, տնտեսական և ռազմաքաղաքական։ Յուրաքանչյուր երկրի համար ամփոփիչ ինդեքսը հաշվարկվում է 0–ից (կայունության ամենաբարձր աստիճան` առավելագույն ցածր ռիսկեր և սպառնալիքներ) մինչև 10 (կայունության նվազագույն աստիճան` առավելագույն ռիսկեր և սպառնալիքներ)` տասը հատվածի կիրառմամբ։ Ընդհանուր արդյունքը` բոլոր ցուցանիշների համագումարը, (առավելագույնը` 120 միավոր) որոշիչ է դառնում վարկանիշը կազմելիս։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |