Ռուսաստանն ակտիվորեն հանդես է գալիս հետխորհրդային տարածքի հակամարտությունների քաղաքական և դիվանագիտական կարգավորման օգտին: Այդ մասին ասվում է ՌԴ արտաքին քաղաքականության նոր հայեցակարգում, որը դեկտեմբերի 1-ին հրապարակվել է իրավական տեղեկատվության պորտալում:
«Մասնավորապես ՌԴ-ն նպաստում է ղարաբաղյան հակամարտության կարգավորմանը ԵԱՀԿ Մինսկի խմբի համանախագահ այլ երկրների հետ փոխգործակցությամբ`ՌԴ, Ֆրանսիայի և ԱՄՆ նախագահների 2009-2013թթ. համատեղ հայտարարություններում շարադրված սկզբունքների հիման վրա»,-ասվում է հայեցակարգի տեքստում:
ՌԴ նախագահ Վլադիմիր Պուտինը դեկտեմբերի 1-ին հավանություն է տվել Ռուսաստանի արտաքին քաղաքականության նոր հայեցակարգին: Համապատասխան հրամանագիրն ու հայեցակարգի տեքստը հրապարակվել են իրավական տեղեկատվության պաշտոնական առցանց պորտալում:
