ArmPhone-ը կվաճառվի նաև Ռուսաստանում 3 դեկտեմբերի 2016 - 13:05 AMT PanARMENIAN.Net - Դեկտեմբերի 3-ին Մոսկվայի Ժողովրդական տնտեսության նվաճումների ցուցահանդեսի 6-րդ տաղավարում տեղի կունենա հայ ինժեներների ստեղծած ArmPhone սմարթֆոնի շնորհանդեսն ու վաճառքի մեկնարկը: Դա տեղի կունենա ՀՀ Բարձր տեղեկատվական տեխնոլոգիաների ինստիտուտի կենտրոնի բացման շրջանակում, որտեղ կներկայացվի ՏՏ ոլորտի հայկական արտադրանքը: ՀՀ բարձր տեխնոլոգիաների ինստիտուտը ստեղծվել Ռուսաստանում ՀՀ առևտրային ներկայացուցչության աջակցությամբ: Ինչպես ասվում է ցուցահանդեսի կայքում, վաճառակետում կներկայացվի ArmPhone-ի առաջատար մոդելը երկու 2G և 4G SIM քարտով, 5,2'' Full HD էկրանով, 32 Գբ ներկառուցված և 3Գբ օպերատիվ հիշողությամբ, մատնահետքերի ցուցիչով: ArmPhone-ն աշխատում է Android օպերացիոն համակարգով: «Ինստիտուտի կենտրոնի բացումը ցուցահանդեսում կնպաստի ՏՏ ոլորտի հայկական և ռուսական ընկերությունների միջև կապերի հաստատմանը, ամրապնդմանն ու զարգացմանը: Կենտրոնում լայնորեն ներկայացված կլինի հայկական արտադրանքը: Հեռանկարում կենտրոնի հենքի վրա նախատեսվում է ստեղծել ժամանակակից ուսումնական հարթակ ՏՏ ոլորտի երիտասարդ մասնագետների համար»,-ասվում է հաղորդագրության մեջ: Հայկական արտադրության սմարթֆոններն առաջին անգամ ներկայացվել են հունիսի 6-ին: Սպառողին ներկայացվել է 5 տարբեր մոդել, ամեն մեկը՝ իր առանձնահատկություններով: Սմարթֆոնների առանձին մոդելներ մինչև 32 ԳԲ ներքին հիշողություն ունեն, Android 6.0 կամ Android 5.1 օպերացիոն համակարգ, մատնահետքի ճանաչման սենսորներ և 4G կապ։ Ընթերցեք նաև. ArmPhone սմարթֆոնները հանվել են վաճառքի 50.000-150.000 դրամով Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները Քննչական կոմիտեի փորձաքրեագիտական կենտրոն կստեղծվի ՊՈԱԿ-ն ունենալու է նաև տարածքային ստորաբաժանումներ ՀՀ մարզերում, ընդհանուրը՝ 90 հաստիքային միավոր Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |