Ռուդոլֆ Փերինան Ղարաբաղի բարդագույն խնդիրների լուծմանը ստեղծագործական մոտեցման կողմնակից է28 հունիսի 2007 - 15:20 AMT PanARMENIAN.Net - «Հավանաբար, Հայաստանում ԱՄՆ դեսպան Ջոն Էվանս Մարշալի հետնորդի ընտրության եւ նշանակման հետ կապված նրբանկատ իրավիճակը ստիպել է Պետդեպարտամենտին ժամանակավորապես ընդգրկել փորձառու դիվանագետ Ռուդոլֆ Փերինային, որը լավ գիտի նաեւ ղարաբաղյան հակամարտության կարգավորման խնդիրը, քանի որ եղել է ԵԱՀԿ ՄԽ համանախագահներից մեկը 2001-2004 թվականներին»,-PanARMENIAN.Net ին է հայտարարել ԵԱՀԿ ՄԽ-ի 90-ականների կեսերին ռուսաստանցի համանախագահ, դեսպան Վլադիմիր Կազիմիրովը: Ռուս դիվանագետի խոսքերով, Փերինային գործի են դնում, չնայած նրան, որ նա արդեն գրեթե երկու տարի է, ինչ պաշտոնաթող է եղել, իսկ համանախագահում է մեկ այլ ամերիկացի դիվանագետ: «Անձամբ ես չեմ աշխատել Ռուդոլֆ Փերինայի հետ, սակայն մենք հանդիպել ենք նրա նախաձեռնությամբ, զրուցել ենք ղարաբաղյան գործերի շուրջ: Ես այնպիսի տպավորություն եմ ստացել, որ նա ոչ միայն բարձր մակարդակի պրոֆեսիոնալ է, այլ նաեւ Ղարաբաղի բարդագույն խնդիրների լուծմանը ստեղծագործական մոտեցման կողմնակից: Որքան հիշում եմ, նա եղել է այդ հակամարտության կարգավորման էապես կարեւոր շրջադարձի նախաձեռնողներից մեկը: Կարծում եմ, որ նրա գաղափարները գործընթացում ներառելու ուղղությամբ շարունակում են աշխատել նաեւ ԵԱՀԿ ՄԽ ներկայիս համանախագահները»,-ասել է Կազիմիրովը: Ռուս դիվանագետը նշել է նաեւ, որ ամեն ինչ չէ, որ կախված է այս կամ այն անձից: «Կարեւոր են նաեւ այն հրահանգները, որ նրանք ստանում են իրենց մայրաքաղաքներից, թեեւ ստեղծագործ անձինք չեն սահմանափակվում ստացված հրահանգների կատարմամբ: Տվյալ դեպքում այնքան էլ պարզ չէ, թե որքան ժամանակ Ռ.Փերինան կկատարի նոր դերը, սպասելով Էվանսի հետնորդի հավատարմագրմանը: Եթե Երեւանում ԱՄՆ դեսպանատան գործերը միանգամայն նորմալ ընթանային, հարկ չէր լինի նման ոչ ստանդարտ որոշման դիմել մեկ-երկու ամսվա համար: Անշուշտ, սա զուտ իմ անձնական կարծիքն է»,-ընդգծել է Վ.Կազիմիրովը: Հիշեցնենք, որ Հայաստանում ԱՄՆ ժամանակավոր հավատարմատարի պաշտոնում նշանակվել է ԵԱՀԿ Մինսկի խմբի ԱՄՆ-ից նախկին համանախագահ Ռուդոլֆ Փերինան, որն իր պարտականությունների կատարմանը կանցնի հուլիսի 10-ին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Գալուզին․ ԵՄ առաքելությունը գործում է ՀՀ հարևանների՝ Ադրբեջանի և Իրանի դեմ, հակառուսական քարոզչություն տանում Նա ասել է, որ առաքելությունը հաշվետու չէ «ոչ Հայաստանին, ոչ Ադրբեջանին, ոչ այլ շահագրգիռ երկրներին ու կառույցներին» Ավինյանի գլխավորած պատվիրակությունը մեկնում է Փարիզ Ավինյանը կհանդիպի Անն Իդալգոյի հետ ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի Քննարկվել են նաև տարածաշրջանային անվտանգությանն առնչվող հարցեր Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետը |