Ֆրանսիայի եւ Հայաստանի միջեւ եղած կապերի մակարդակից կարելի է միայն գոհունակություն հայտնել: Այդ մասին PanARMENIAN.Net-ին տված իր հարցազրույցում հայտարարել է Հայաստանում Ֆրանսիայի դեսպան Սերժ Սմեսսովը: Նրա խոսքերով, դրա ապացույցը մասնավորապես անցյալ տարվա աշնանը նախագահ Ժակ Շիրակի` Երեւան եւ այս տարվա փետրվարին նախագահ Քոչարյանի Փարիզ կատարած այցերն են: «Մեր կապերը չեն սահմանափակվում միայն երկու երկրների գործադիր իշխանությունների միջեւ եղած շփումներով: Դրանք նաեւ զարգացած են օրենսդիր մարմինների մակարդակով (Ազգային ժողովների եւ ԱԺ- Սենատ մակարդակով): Հարկ է նաեւ նշել շրջանների մակարդակով ղեկավար մարմինների եւ ֆրանսիական ու հայկական քաղաքապետերի կարեւոր դերակատարությունը»,-ընդգծել է դեսպանը:

Հարցազրույցի տեքստն ամբողջությամբ