Մինչև 20% հետվճար` Ամերիաբանկի քարտերով անկանխիկ վճարումների դեպքում13 դեկտեմբերի 2016 - 16:44 AMT PanARMENIAN.Net - Դեկտեմբերի 13-ին Ամերիաբանկը և Բեստ Քարդ ընկերությունը ներկայացրել են նոր մեկնարկած «ԱՅՈ» ծրագիրը և այդ համատեքստում Ամերիաբանկի հետ համատեղ թողարկված ԱՅՈ քարտը: «ԱՅՈ»-ն հետվճարային ծրագիր է, որն այսուհետ Ամերիաբանկի բոլոր քարտապաններին (բացառությամբ նվեր քարտերի և բիզնես քարտերի) հնարավորություն կտա ծրագրի գործընկեր առևտրի և սպասարկման սրահներում կատարած յուրաքանչյուր անկանխիկ գնման դիմաց ստանալ հետվճար (cashback) ծախսած գումարի մինչև 20%-ի չափով: «Մանրածախ բիզնեսի ռազմավարության շրջանակում մենք պարբերաբար նոր ծառայություններ և ծառայությունների պայմաններ ենք ներկայացնում, որպեսզի ավելի գրավիչ դարձնենք մեր առաջարկը շուկայում: Այս անգամ մեկնարկում ենք «ԱՅՈ» հետվճարային ծրագիրը: Նախատեսվում է, որ մինչև 20% հետվճարի չափը կսահմանվի այս ծրագրում ներառված առևտրի կետերի կողմից», - պարզաբանեց Ամերիաբանկի մանրածախ գործառնությունների գծով տնօրեն Արման Բարսեղյանը: Նա տեղեկացրեց, որ «ԱՅՈ» ծրագրի շրջանակում թողարկվող ԱՅՈ քարտ Visa Classic և ԱՅՈ քարտ Visa Gold միջազգային վճարային քարտերը նախատեսված են թե' Հայաստանում, թե' արտերկրում անկանխիկ վճարումներ, առցանց գնումներ կատարելու համար և ունեն վարկային գիծ ստանալու հնարավորություն` ըստ Ամերիաբանկի կողմից սահմանված վարկավորման պայմանների: «Քարտը ոչ միայն վճարային և հետվճարային է լինելու, այլ նաև վարկային գծերից օգտվելու հնարավորություն կտա», - հավելեց մանրածախ գործառնությունների գծով տնօրենը:
Բարսեղյանը տեղեկացրեց նաև, որ կատարած գնումների դիմաց հետվճարումն իրականացվում է քարտապանի`Ամերիաբանկում առկա հաշվին մինչև գնումների կատարման ամսվան հաջորդող ամսվա վերջին աշխատանքային օրը: Բեստ Քարդ ընկերության գլխավոր տնօրեն Մարինա Դալլաքյանը նշեց, որ «ԱՅՈ» ծրագիրը, շուկայում գործող նմանատիպ ծրագրերի համեմատ, տրամադրում է գործընկերներ կազմակերպությունների ամենամեծ ցանցը (գործընկերների ցանկը հրապարակված է և պարբերաբար կթարմացվի ծրագրի պաշտոնական կայքէջում): «Մեր ծրագրի շրջանակում կարողացել ենք միավորել տարբեր ոլորտի ներկայացուցիչներ. սուպերմարկետներ, բենզալցակայաններ, հագուստի, կոշիկի խանութներ, ժամանցային կենտրոններ, ապահովագրական ընկերություն: Այսինքն, մեկ քարտով հնարավոր կլինի իրականացնել ամենօրյա գնումները և դրանցից որոշակի գումար վերադարձնել քարտին: Գործընկերների ցանկը հնարավորինս մեծացնելու ենք, ցանկը կընդլայնվի: Բացի այդ, ապահովագրական ընկերության հետ գործակցության շրջանակում, այս ծրագրից օգտվողները ապահովագրված կլինեն դժբախտ պատահարներից, դրանց առաջացման դեպքում ստանալու են փոխհատուցում», - տեղեկացրեց Դալլաքյանը: Նա hավելեց, որ ԱՅՈ քարտի քարտապանները հնարավորություն ունեն ստանալու լրացուցիչ զեղչեր, անակնկալներ, նվերներ, որոնց մասին պարբերաբար կտեղեկացվեն ծրագրի կայքէջի միջոցով: Շուտով App Store և Google Play առցանց խանութներում հասանելի կլինի նաև AYOCARD բջջային հավելվածը, որի միջոցով ծրագրի մասնակից հաճախորդները պարբերաբար կտեղեկացվեն հատուկ առաջարկներին և գործընկերների մշտապես թարմացվող ցանկին: «Ամերիաբանկ» ՓԲԸ Հայաստանի դինամիկ զարգացող բանկերից է և դասվում է երկրի ամենակայուն և խոշոր ֆինանսական հաստատությունների շարքին: Այն Հայաստանում առաջին ներդրումային բանկն է և սկսած 2007թ-ից` տրամադրում է նորարարական բանկային ծառայությունների լայն տեսականի: «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Լրացուցիչ տեղեկությունների համար կարող եք այցելել www.ameriabank.am: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |