London Chess Classic. Արոնյանը ոչ ոքի է խաղացել Գիրիի հետ, 5 տուրից հետո կիսում է 2-5-րդ տեղերը14 դեկտեմբերի 2016 - 11:26 AMT PanARMENIAN.Net - London Chess Classic մրցաշարի 5-րդ տուրում գրոսմայստեր Լևոն Արոնյանի մրցակիցներն էր Անիշ Գիրին: Պարտիայի սկզբնախաղում տեղի ունեցան մի շարք փոխանակումներ, և 20-րդ քայլին կողմերը համաձայնվեցին ոչ ոքի արդյունքի: Նման արդյուն է գրանցվել նաև Նակամուրա-Կրամնիկ, Ուեսլի Սո-Անանդ և Վաշիե-Լագրավ-Կարուանա պարտիաներում: Տուրում միակ հաղթանակը տոնել է Մայքլ Ադամսը, ում մրցակիցն էր Վեսելին Տոպալովը, տեղեկացնում է Հայաստանի շախմատային ֆեդերացիան: Մրցաշարային աղյուսակը 5-րդ տուրից հետո գլխավորում է Ուեսլի Սոն, իսկ Լևոն Արոնյանը, Վլադիմիր Կրամնիկը, Ֆաբիանո Կարուանան կիսում են 2-5 տեղերը: Դեկտեմբերի 14-ին մրցաշարում հանգստյան օր է, իսկ 6-րդ տուրի պարտիաները տեղի կունենան դեկտեմբերի 15-ին: 6-րդ տուրի զույգեր` Մաքսիմ Վաշիե-Լագրավ- Լևոն Արոնյան,Ֆաբիանո Կարուանա- Հիկարու Նակամուրա Վլադիմիր Կրամնիկ- Մայքլ Ադամս,Վեսելին Թոփալով- Ուեսլի Սո,Վիշվանաթան Անանդ- Անիշ Գիրի: Մրցաշարի առաջին տուրում Լևոն Արոնյանը սպիտակներով հաղթել է անգլիացի Մայքլ Ադամսին: Արոնյանը կարողացել է օգտվել 33-րդ քայլին Ադամսի թույլ տված կոպիտ սխալից: Արդյունքում մրցակիցն իր պարտությունն ընդունել է 41-րդ քայլում: London Chess Classic-ի երկրորդ տուրում Արոնյանը սևերով ոչ-ոքի է խաղացել Ռուսաստանը ներկայացնող շախմատիստ Վլադիմիր Կրամնիկի հետ: Մրցակիցները կիսել են միավորը մրցախաղի 31-րդ քայլից հետո: Երրորդ տուրում Հայաստանի հավաքականի առաջատարը սպիտակներով ոչ ոքի է խաղացել ամերիկացի Ուեսլի Սոյի հետ: Մրցակիցները համաձայնության են եկել 29-րդ քայլում: Չորրորդ տուրում Արոնյանը ոչ ոքի է խաղացել Ֆաբիանո Կարուանայի հետ: Սպիտակներով խաղացող Կարուանան չի կարողացել որևէ սկզբնախաղային առավելության ստանալ, և պարտիայի 31-րդ քայլին կողմերը հաշտություն կնքեցին: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |