ԵՄ խորհուրդն ու Եվրախորհրդարանը քաղաքական պայմանավորվածություն են ձեռք բերել Վրաստանի համար վիզային ռեժիմի ազատականացման շուրջ։

Այս մասին տեղեկությունը հրապարակված է ԵՄ խորհրդի նախագահող երկիր Սլովակիայի պաշտոնական թվիթերյան էջում՝ Gruziya Online-ին հղումով գրում է Artsakhpress.am-ը:

«Լավ նորություն Վրաստանի քաղաքացիների համար. քաղաքական պայմանավորվածություն ԵՄ խորհրդի և Եվրախորհրդարանի միջև Վրաստանի համար վիզային ազատականացման մասին։ Հաջորդ քայլը ԵՄ խորհրդում կլինի շուտով»,-ասվում է հաղորդագրությունում։

Դեկտեմբերի 7-ին Եվրամիության անդամներն ու Եվրախորհրդարանը համաձայնագիր են ստորագրել Ուկրաինայի և Վրաստանի քաղաքացիների համար առանց մուտքի արտոնագրերի ռեժիմ տրամադրելու վերաբերյալ:համաձայնությունը վերաբերում է մեխանիզմի պայմաններին, որով կարելի է արտակարգ դեպքերում կասեցնել առանց վիզաների ռեժիմը: