Ռոբերտ Քոչարյան. Հայաստանը դեմ է պատժամիջոցների կիրառմանն Իրանի հանդեպ

PanARMENIAN.Net - Հայաստանը դեմ է պատժամիջոցների կիրառմանն Իրանի հանդեպ, քանի որ դրանք կարող են վնասել ոչ միայն մեզ: Այդ մասին SPIEGEL ONLINE-ին տված հարցազրույցում հայտարարել է Հայաստանի նախագահ Ռոբերտ Քոչարյանը: «Ես չեմ կարծում, թե պատժամիջոցները ճանապարհ են հարթում ինչ-որ լուծման համար: Իրանի ղեկավարությունը համոզված է, որ գործում է միջազգային պայմանավորվածությունների սահմանում: Իրանի ղեկավարության հետ շփումներում նրանք պնդում են, որ Իրանի միջուկային ծրագիրը ոչ մի ռազմական նպատակ չի հետապնդում, այն դեպքում երբ Արեւմուտքը համոզված է հակառակում: Սակայն եթե Իրանի վրա ճնշում գործադրվի եւ նա զգա, որ իր հետ անարդարացի են վարվում, եթե իրանցիների մեջ այն զգացմունքն ամրապնդվի, թե Արեւմուտքը երկակի չափանիշներ է կիրառում, իրանցիները կհամոզվեն, որ արդար գործի համար կարելի է եւ տառապել: Ինձ մոտ այնպիսի տպավորություն է ստեղծվել, որ պատժամիջոցների խստացումը միայն լարվածության ուժգնացմանը կնպաստի: Եվ դժվար է ասել, թե ինչի կհանգեցնի նման բացասական դինամիկան»,-ասել է Քոչարյանը:



Հայաստանի նախագահը նշել է, որ Հայաստանն Իրանի հետ կառուցողական հարաբերություններ ունի եւ զարգացնում է տնտեսական համագործակցությունը: «Քանի որ երկու մյուս հարեւանների, Ադրբեջանի եւ Թուրքիայի հետ մեր հարաբերությունները լավ չեն, մենք չենք ցանկանում փչացնել հարաբերությունները նաեւ Իրանի հետ: Իրանը հարուստ պատմություն ունեցող երկիր է, նրա պետականության արմատները դեպի դարերի խորքն են գնում»,-հայտարարել է ՀՀ ղեկավարը:
 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---