Նախարար. Հայ-իրանական ազատ տնտեսական գոտին կստեղծվի 2017-ի ապրիլին

28 դեկտեմբերի 2016 - 15:30 AMT

PanARMENIAN.Net - ՀՀ կառավարությունն աշխատանքներ է իրականացնում տարածաշրջանային երկրներ հայկական ապրանքների մուտքի ապահովման և արտահանման ծավալների զգալի ավելացման ուղղությամբ: Այս մասինՀՀ տնտեսական զարգացման և ներդրումների նախարար Սուրեն Կարայանն ասել էտարեվերջյան ամփոփիչ ասուլիսի ժամանակ:

Մասնավորապես, նախարարի խոսքով, Հայաստանը բանակցություններ է վարում Իրանի Ստանդարտների և արդյունաբերական հետազոտությունների ինստիտուտի հետ՝ Հայաստանում կատարված սերտիֆիկացման արդյունքները Իրանում ճանաչելի դարձնելու հարցով, ինչպես նաև Հայաստանում պարենային և ոչ պարենային արտադրանքի համապատասխանության գնահատման մարմինների ներկայացուցչություններ կամ մասնաճյուղեր բացելու ուղղությամբ, գրում է Panorama.am-ը:

«Սա հնարավորություններ կստեղծի, որպեսզի հայկական արտադրատեսակները Հայաստանում համապատասխանության չափանիշներ ստանալուց հետո առանց որևէ այլ խոչընդոտի մտնեն նաև իրանական շուկա»,- նշել է Կարայանը:

Նախարարի խոսքով՝ ակնկալում են, որ 2017թ-ի առաջին եռամսյակում Իրանի համապատասխան մարմինների կողմից այց կլինի Հայաստան, և կստորագրվեն համապատասխան համաձայնագրերը:

Նա նաև հայտնել է, որ աշխատանքներ են տարվում Իրանի հետ սահմանագծին ազատ տնտեսական գոտի ստեղծելու ուղղությամբ: Արդեն մշակվել է ազատ տնտեսական գոտու հայեցակարգը և ներկայացվել ՀՀ կառավարության քննարկմանը: «Նախատեսվում է, որ մինչև ապրիլ մենք արդեն կտանք այդ ազատ տնտեսական գոտու ստեղծման մեկնարկը, որը ևս լայն հնարավորություններ կստեղծի նոր ներդրումային ծրագրերի ներգրավման համար, ինչպես նաև կակտիվացնի Հայաստան-Իրան առևտրաշրջանառությունը»,-ասել է Կարայանը:

Նախարարը նշել է նաև, որ մարդատար ավտոմեքենաների համար սահմանված չափազանց մեծ երաշխիքային վճարները փոխարինվել են ապահովագրման վճարներով, ինչի արդյունքում վճարների չափը կրճատվել է մոտ երեք անգամ: Այս քայլը ևս, ըստ նրա, մեծ հնարավորություններ կստեղծի, որպեսզի Հայաստան-Իրան տեղաշարժն ավելի մեծանա, գործարարներն ավելի լավ ծանոթանան երկու երկրների շուկային և մեծացնեն համագործակցության հնարավորությունները:

Եվրասիական տնտեսական հանձնաժողովի (ԵՏՀ) խորհուրդը որոշում է կայացրել ԵՏՄ և Իրանի միջև Առևտրի ազատ գոտու (ԱԱԳ) ստեղծման նպատակահարմարությունն ուսումնասիրող հանձնաժողով ստեղծելու մասին: Այդ մասին օգոստոսի 24-ին հայտնել է հանձնաժողովը:

ԵՏՄ առևտևրի նախագահ Անդրեյ Սլեպնյովն ասել է. «Մենք պայմանավորվել ենք, որ առաջիկայում կքննարկենք նախաձեռնությունները հայկական բիզնեսի և հայ կանոնակարգողների հետ` հաշվի առնելով, որ Հայաստանը միակ երկիրն է, որն անմիջական ցամաքային սահման ունի Իրանի հետ, ինչպես նաև այդ երկրի հետ առևտրի մեծ փորձ: Մենք հասկանում ենք առանձնահատկությունները, որ կան Իրանում առևտրի կանոնակարգման ոլորտում, և հուսով ենք, որ հայ գործընկերների փորձը կօգնի մեզ»:

Կարդաեք նաև՝ Կարայան. Հավաքագրվել է 160 ներդրումային ծրագիր

Հղումներ թեմայով.

Հայ-իրանական սահմանագծին ազատ տնտեսական գոտու ստեղծման մեկնարկը կտրվի 2017թ-ի ապրիլին. Սուրեն Կարայան. Panorama.am

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով