ԶԼՄ-ներ. Օբամային ներկայացվել է ԱՄՆ նախագահական ընտրություններին ՌԴ «միջամտության մասին» զեկույցը 6 հունվարի 2017 - 11:49 AMT PanARMENIAN.Net - ԱՄՆ նախագահական ընտրություններին ՌԴ ենթադրյալ միջամտության մասին ԱՄՆ հետախուզության զեկույցում ընդգրկվել են ռուս պաշտոնյաների գաղտնալսման տվյալները: Կան նաև տվյալներ Դեմոկրատական կուսակցությունից գողացած տվյալները WikiLeaks-ին փոխանցած անձանց մասին: Այդ մասին ամերիկացի պաշտոնյան հայտնել է Тhe Washington Post-ին, գրում է Republic-ը: Ամերիկյան կողմը կարծում է, որ ՌԴ կառավարության բարձրաստիճան պաշտոնյաներին հայտնի է եղել կիբերմիջամտության մասին: Ընտրություններից հետո նրանք տոնել են իրենց հաղթանակը՝ արդյունքները համարելով Մոսկվայի «աշխարհաքաղաքական ձեռքբերումը»: Ըստ թերթի աղբյուրի, զեկույցը հունվարի 5-ին ներկայացվել է նախագահ Բարաք Օբամային, այն պարունակում է 2016-ի ԱՄՆ նախագահական ընտրություններին ՌԴ միջամտության «ապացույցների մանրամասները»: Զեկույցում նաև տեղեկություններ կան վերջին 9 տարում ԱՄՆ ընտրական համակարգի վրա Մոսկվայի այլ կիբերազդեցությունների մասին: Փաստաթղթի ծավալը 50 էջ է: Ըստ ԱՄՆ հետախուզության, ՌԴ նախագահ Վլադիմիր Պուտինն «անձնական վիրավորանք» է տածում Դեմոկրատական կուսակցությունից ԱՄՆ նախագահի թեկնածու Հիլարի Քլինթոնի հանդեպ, որին նա մեղադրել է 2011-ին և 2012-ին Մոսկվայում բողոքի ակցիաներ հրահրելու մեջ: Հունվարի 6-ին զեկույցին կծանոթանա նաև Թրամփը, որից հետո նյութերի այն մասը, որը գաղտնի չէ, կհրապարակվի: Ըստ թերթի, աստիճանաբար ՌԴ նպատակները փոխվել են: Սկզբում, ինչպես կարծում է հետախուզությունը, Մոսկվան մտադիր էր վնասել Քլինթոնի ակնկալվող հաղթանակին, սակայն, երբ Թրամփն ավելի մրցունակ դարձավ, Կրեմլի թիրախները ևս ավելի հավակնոտ դարձան: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Մայիսի 8–ին Պուտին–Փաշինյան երկկողմ հանդիպում կլինի՝ «քննարկելու շատ հարցեր են կուտակվել» Կրեմլում ակնկալում են, որ բոլոր հարցերն «անկեղծորեն կքննարկվեն առաջնորդների միջև» ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են |