  Լոնդոնի համալսարանի ուսանողները հրաժարվել են ուսումնասիրել «սպիտակամորթ» եվրոպացի փիլիսոփաներին 10 հունվարի 2017 - 17:52 AMT PanARMENIAN.Net - Լոնդոնի համալսարանի Արևելյան և աֆրիկյան հետազոտությունների դպրոցի ուսանողները պահանջել են հանել ծրագրից Հին Հունաստանի փիլիսոփաների և եվրոպացի մտածողների գործերն այն պատճառով, որ վերջիններս «սպիտակամորթ են»: Արևելյան բաժնի ուսխորհուրդը հայտարարել է, որ Պլատոնի, Արիստոտելի, Դեկարտի և Կանտի գործերի ուսումնասիրությունն իմաստ ունի միայն Արևմուտքի «գաղութատիրական ժառանգության» ուսումնասիրության համար` համալսարանի «ապագաղութացման համատեքստում»: Նրանք պնդում են, որ փիլիսոփայության դասընթացի ծրագրում «պետք է ընդգրկվեն բացառապես Աֆրիկայի և Ասիայի փիլիսոփաները», գրում է Israelinfo-ն: Փիլիսփայության բաժնի դեկանը այդ պահանջներն անվանել է «ծիծաղելի»: «Դա տգիտություն է, որը նույնիսկ չի ուզում իրեն ուղղել: Եթե նրանք կարծում են, որ Էմմանուիլ Կանտի «Մաքուր բանականության քննադատության» մեջ գաղութատիրական համատեքստ կա, ես կցանկանայի լսել դա»,-ասել է փիլիսոփա Ռոջեր Սկրատոնը: «Իրական վտանգ կա, որ քաղաքական կոռեկտությունը դուրս կգա հսկողությունից: Մենք պետք է ընդունենք աշխարհն այնպիսին, ինչպիսին այն կա, ոչ թե վերաշարադրենք պատմությունն ըստ ինչ-որ մեկի ճաշակի»,-մեջբերել է Telegraph-ը Բուքինգհեմյան համալսարանի փոխկանցլեր, սըր Էնթոնի Սելդոնի խոսքը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
