Խորհրդարանական ընտրությունների արդյունքները միանգամայն կանխատեսելի էին, սակայն խորհրդարանում կարող են հակասություններ եւ լարվածություն առաջանալ, եւ խորհրդարանը միատարր չի լինի: Այդ մասին PanARMENIAN.Net-ի թղթակցին է հայտնել ARI Movement կազմակերպության միջազգային հարաբերությունների գծով փորձագետ Էրքուդ Էմչիօղլու: Նրա խոսքերով, Արդարության եւ զարգացման կուսակցությունը` ԱԶԿ-ն չի ձեւավորի կոալիցիոն կառավարություն: «Շանսեր չկան, թե ԱԶԿ-ն կարող է կոալիցիա կազմել Ազգային շարժման կուսակցության հետ, քանի որ այդ երկու կուսակցությունները հակադիր դիրքերի վրա են: Ինչ վերաբերում է Թուրքիայի եւ Հայաստանի հարաբերություններին, ես չեմ կարծում, որ կարող են փոփոխություններ լինել: Նոր խորհրդարանը կզբաղվի զուտ թուրքական հարցերով, որոնցից գլխավորը Թուրքիայի անդամակցումն է ԵՄ-ին եւ պայքարը քուրդ անջատողականների դեմ»,-ընդգծել է Էմչիօղլուն: