 Մոգերինի. Ապրիլյան խորհրդաժողովից կմեկնարկի Սիրիայի անցումային գործընթացը 17 հունվարի 2017 - 12:31 AMT PanARMENIAN.Net - Ապրիլին Բրյուսելում տեղի կունենա Սիրիայի հարցով լայնածավալ միջազգային խորհրդաժողով: Այդ մասին Բելգիայի մայրաքաղաքում տեղի ունեցած մամուլի ասուլիսում հայտարարել է ԵՄ արտաքին քաղաքականության և անվտանգության գծով գերագույն ներկայացուցիչ Ֆեդերիկա Մոգերինին: Ըստ Մոգերինիի, Բրյուսելի խորհրդաժողովը պետք է սկիզբ հանդիսանա Սիրիայում անցումային քաղաքական գործընթացի և երկրի վերականգնման համար: Միջոցառումը կհաջորդի ՄԱԿ հովանու ներքո փետրվարի սկզբին Ժնևում կայանալիք միջսիրիական խաղաղ բանակցություններին, հայտնում է Deutsche Welle-ն: Սիրիայում զինված հակամարտության կարգավորման համար անհրաժեշ է վերադառնալ բանակցությունների ՄԱԿ շրջանակում: Այդ մասին նույն օրը հայտարարել է Գերմանիայի ԱԳ նախարար Ֆրանկ Վալտեր Շտայնմայերը: Ըստ նրա, Աստանայում Սիրիայի վերաբերյալ հանդիպումը, որը կազմակերպում են ՌԴ-ն և Թուրքիան, միջանկյալ քայլ կդառնա խաղաղության ճանապարհին: Սակայն երկարաժամկետ քաղաքական լուծում կարելի է գտնել միայն ՄԱԿ հովանու ներքո, ասել է Շտայնմայերը: Ավելի վաղ հայտնի դարձավ, որ սիրիացի ապստամբները համաձայնության են եկել խաղաղ բանակցություններին մասնակցության մասին, որոնք մեկնարկելու են հունվարի 23-ին Աստանայում: Այժմ նրանք փորձում են համաձայնության գալ պատվիրակության կազմի մասին, որը մասնակցել է Սիրիայի բանակցություններին 2016-ին:  Ուշագրավ Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Պատճառը բնապահպանական, քաղաքական և ֆինանսական ռիսկերն են   |  Վերջին լուրեր Արայիկ Հարությունյանը` «Ակադեմիական քաղաք» հիմնադրամի հոգաբարձուների խորհրդի նախագահ  Հաստատվել է հիմնադրամի ամբողջ կազմըՄիհրան Պողոսյանը հետախուզվում է խոշոր չափերով թմրամիջոց իրացնելու գործով Ընկերության տնօրենի և պահեստապետի հանդեպ որպես խափանման միջոց է ընտրվել կալանքըՍլովենիայի ԱԺ նախագահը՝ Սիմոնյանին․ Ադրբեջանական ագրեսիան խանգարում է կառուցողական երկխոսությանը Նա նշել է, որ Սլովենիան կարող է Հայաստանի համար կամուրջ դառնալ դեպի Կենտրոնական և Արևմտյան ԵվրոպաԱրցախի ՄԻՊ. Միշելի հայտարարությունը խիստ հիասթափեցնող է Նա նշել է, որ Արցախի ժողովրդի կամքն ու շահերն անտեսելը չի նպաստում ԵՄ-ի նախաձեռնությամբ ընթացող խաղաղ բանակցություններին |
